சசிதரன்
10-05-2011, 03:49 PM
தயங்கி தயங்கி
சன்னல் வழி
உள்நுழையும் வெளிச்சம்
மெல்ல அறை நிரப்புகிறது
காற்றை துரத்தும்
மின்விசிறியின் வேகம்
மிதமாகவே இருக்கிறது
வெளிச்ச பாதையில்
மேலெழும்பி பரவுகிறது
நேற்றிரவு உதிர்ந்த
சிகரெட் சாம்பல்
தவறுதலாகவோ
அல்லது
வேண்டுமென்றோ உடைக்கப்பட்ட
கண்ணாடிக் குவளை
அறையின் வலப்பக்க மூலையில்.
இன்னதென்று உறுதிப்படுத்தவியலாத
மெலிதான வாசத்தை
கவனிக்க தவற வேண்டாம்
உங்கள் யூகங்களைக் கொண்டு
நேற்றிரவின் காட்சியை
நிரப்பிக் கொள்ளுங்கள்
காமம் என்றோ
மரணம் (கொலை (அ) தற்கொலை) என்றோ
ஒரு கவிதையின் தோல்வி என்றோ.
சன்னல் வழி
உள்நுழையும் வெளிச்சம்
மெல்ல அறை நிரப்புகிறது
காற்றை துரத்தும்
மின்விசிறியின் வேகம்
மிதமாகவே இருக்கிறது
வெளிச்ச பாதையில்
மேலெழும்பி பரவுகிறது
நேற்றிரவு உதிர்ந்த
சிகரெட் சாம்பல்
தவறுதலாகவோ
அல்லது
வேண்டுமென்றோ உடைக்கப்பட்ட
கண்ணாடிக் குவளை
அறையின் வலப்பக்க மூலையில்.
இன்னதென்று உறுதிப்படுத்தவியலாத
மெலிதான வாசத்தை
கவனிக்க தவற வேண்டாம்
உங்கள் யூகங்களைக் கொண்டு
நேற்றிரவின் காட்சியை
நிரப்பிக் கொள்ளுங்கள்
காமம் என்றோ
மரணம் (கொலை (அ) தற்கொலை) என்றோ
ஒரு கவிதையின் தோல்வி என்றோ.