ரசனை

[அமரன்]

தேன் வடியும்
நிலாக் கிண்ணம் இல்லை..

முகிலாடை
காற்றில் அலையவில்லை.

விண்மினிகளின் பறப்பில்லை..

கனவுகளின் பிறப்பில்லை..

ஆனாலும்
வானத்தைப் பார்க்கத் தூண்டுகிறது..
நீ
இல்லாத அருகாமை..

[ஜனகன்]

அமரன்,"ரசனை" கருத்தாழம் மிக்கதாய் இருக்கின்றது.பாராட்டுக்கள்.

[கீதம்]

அண்ணாந்து நோக்குகிறேன்,
மனம் கொண்ட வெறுமையை
பிரதிபலிக்கிறது வானம்!

அர்த்தமுள்ள ரசனை! பாராட்டுகள் அமரன்.

[பாரதி]

கவிதை நன்றாக இருக்கிறது அமரன்.

ஒரு சிறிய ஐயம்: வழக்கத்தில் அருகில் என்ற பொருளில் பயன்படுத்தினாலும் அருகாமை என்பது அருகில் இல்லாதது என குறிப்பதாகும் என கருதுகிறேன். சரியா..?

[கலாசுரன்]

நீ
இல்லாத அருகாமை.

நல்ல சொல்லாடல் ..!!

[நாஞ்சில் த.க.ஜெய்]

வானத்தைப் பார்க்கத் தூண்டுகிறது..
நீ
இல்லாத அருகாமை..
மனதின் வெறுமையை கூறிய விதம் மிக அருமை நண்பரே !

[sakthim]

வெறுமயை வார்தைகள் ஆக்கி உள்ளீர்கள் அமரன்.

[உமாமீனா]

நல்ல கவிதை - எது ஒன்றுமே இல்லாத போது தான் அதன் அருமை புரியும்

[ஜானகி]

ரசனையைத் தூண்டும் பட்சத்தில், தனிமையும், இழப்பும் வரவேற்க வேண்டியவைதான் !

[lenram80]

பகல் நேரத்துலெ வானத்தை பாருங்க... எல்லாம் தெரியும். சும்மா பிரமையிலெ இருக்குறீங்க. அவ்ளோதான். Hi... Hi....

இரவு பகல்
சூரியனைச் சுற்றுவதால் - பூமிக்கு!
உன்னைச் சுற்றுவதால் - எனக்கு!

சீக்கிரம் பகல் வர வாழ்த்துகள் அமரன்!