தலைப்பற்ற குறுங்கவிதை

[ஆதி]

ஒன்றொன்றின் முடிவிலும்
தேவைப்படுகிறது ஒரு மூன்றாம் நாள்
அதிலிருந்து உயிர்த்தெழ.

ஒவ்வொரு உயிர்த்தெழுதலிலும்
தேவைப்படுகிறான் ஒரு புத்தன்
அதில் விழித்தெழ*

[நாகரா]

நெஞ்சென்னும் மடியில்
அன்பொன்றின் பிடியில்
தலை பற்றத்
தலை பற்றும்
ஞானத் தீயில்
மெய்ம்மையின் விழித்தெழுதலால்
மெய்யுள்ளே உயிர்த்தெழுதல்

தலை பற்றி தலை பற்ற வைத்த தலைப்பற்றக் குறுங் கவிதைக்கு வாழ்த்துக்களும் நன்றியும் ஆதன்.

[Hega]

நறுக்கென விதைகபட்ட கவிதை .

உயிர்த்தெழுதலுடன் விழித்தெழ மூன்றுநாள் போதுமானதாய் இருந்தது இயேசுவுக்கு.
விழித்தெழுதலுடன் உயிர்த்தெழ புத்தனுக்கு போதிமரம் போதுமானதாய் இருந்தது.

ஆனால் மனிதனுக்கோ ஒவ்வொன்றின் முடிவிலும் புத்தனும் இயேசும் போதாதிருக்க்கிறார்கள் ஆதி.
எத்தனை இயேசுக்கள்,புத்தன்கள் வந்தாலும் முடிவென்பது முடிவிலியாய்.............

அருமை தொடர்ந்து எழுதுங்கள் ஆதி

[ஜானகி]

கொடுத்துவைத்தவர்தான் நீங்கள் !

மீண்டுஎழ மூன்று நாள் போதுமானதாகிறதே !

வேண்டியபடி புத்தனும் கிடைக்கிறானே !

சந்தோஷப் படுங்கள்!

தலையும் தேவையில்லை !

வாலும் தேவையில்லை !

சத்தைப் பிடித்துவிட்டீர்களே ?

[வானவர்கோன்]

பல அர்த்தங்களைப் புகுத்திக் கவி படைத்த ஆதனுக்குப் பாராட்டுக்கள்.

[கௌதமன்]

சில முடிவுகள் முடிவல்ல
பல தொடக்கத்துக்கான விதைகள்;
ஞானத்தின் விழி திறக்கும்வரை
சில ஆரம்பங்கள் ஆரம்பங்களுமல்ல;
பிரபஞ்ச சுழற்சியும் அதுதான்
முடிவிலிருந்து ஆரம்பம்
ஆரம்பித்த இடத்திலேயே முடிவு
இடையில் ஞான விழிப்பு!

நன்றி ஆதன்!
உங்கள் கவிதை விதைகளில்
முளைத்த பயிர்களில் நானும் ஒருவன்!