கிரிகாசன்
12-11-2010, 04:58 AM
நீள்விழியாள் என்நெஞ்சத் திருந்தவள்
நித்தம் உலாவருவாள்
ஆழ்மனதுள் வந்தே ஆசைக்கடை விரித்
தன்பை விலைக்கெடுத்தாள்
வேள்வியில் தீயிட்டு வைத்த மனத்தினை
வெண்பனிநீர் தெளித்தே
ஆழி அலைமேவும் ஆவேசத்தில் என்னை
அன்பினுள் மூழ்கடித்தாள்
தேவிஎன் எண்ணத்தில் சேர்ந்தே இருந்தொரு
தீபம் எடுத்து வைத்தாள்
ஆவி சிலிர்த்திட ஆக்கினை செய்தொரு
அன்பிற் கடிமை கொண்டாள்
கூவி ஒலித்திடும்வான் வெளிபுள்ளினம்
போலும் சுதந்திரத்தை
பாவிபறித்துமே பாதிநாள் தன்னுடை
பக்கமிருத்திவிட்டாள்
மேவி எழுந்திடும் மென்னிளம் பூக்களின்
மெல்லியவாசமிட்டாள்
தூவிடும் வண்ணத்துத் தூரிகைக் கெட்டாதோர்
ஓவியத் தோற்றமுற்றாள்
வாவிமலர் தூங்கும் வண்டினையொத்த
விழிகளை மின்னலிட்டு
தாவிமலர் செல்லும்தன்மைகெடுத்தென்னை
தாவணியில் முடிந்தாள்
காரெழும் வான்முகில் கட்டுடை கூந்தலைத்
தோளில் விரித்துவைத்து
வேரெழு மூங்கில் வியன் தரு மென்மைகொள்
வெண்மலர்க் கையெடுத்து
தேரெனவே அசைந்தாடும் நளினத்தில
சித்திரமாய் அசைந்து
பேரெனை பித்தனென்றாக்கிய வித்தகி
பேச்சை இழக்கவைத்தாள்
தேடி மலர் கொய்ய பூந்தளிர் தூங்கிடும்
சோலை அலைந்திருந்தேன்
வாடிக் கருகிடும் வண்ணமலர்பல
வீணில் பறித்துவந்தேன்
கூடிவிழிமலர் கொஞ்சிடும்தாமரை
கூந்தலில் பூஇருத்தி
கோடிமலர் கொண்ட மேனி மலர்க்கொரு
பூசணி கட்டிவைத்தாள்
செவ்விளவானச் சிவப்பினிலே பல
சித்திர மேகங்களில்
எவ்வித மிங்கவள் எட்டிநிறமெடுத்
தீர்கன்னம் பூசிவைத்தாள்
கொவ்வை இதழ்கள் குலுங்க சிரித்தவள்
கொட்டிய புன்னகையில்
பவ்வியமோஇந்த காளைதனை ஓர்
பைங்கிளி வென்றுவிட்டாள்
நித்தம் உலாவருவாள்
ஆழ்மனதுள் வந்தே ஆசைக்கடை விரித்
தன்பை விலைக்கெடுத்தாள்
வேள்வியில் தீயிட்டு வைத்த மனத்தினை
வெண்பனிநீர் தெளித்தே
ஆழி அலைமேவும் ஆவேசத்தில் என்னை
அன்பினுள் மூழ்கடித்தாள்
தேவிஎன் எண்ணத்தில் சேர்ந்தே இருந்தொரு
தீபம் எடுத்து வைத்தாள்
ஆவி சிலிர்த்திட ஆக்கினை செய்தொரு
அன்பிற் கடிமை கொண்டாள்
கூவி ஒலித்திடும்வான் வெளிபுள்ளினம்
போலும் சுதந்திரத்தை
பாவிபறித்துமே பாதிநாள் தன்னுடை
பக்கமிருத்திவிட்டாள்
மேவி எழுந்திடும் மென்னிளம் பூக்களின்
மெல்லியவாசமிட்டாள்
தூவிடும் வண்ணத்துத் தூரிகைக் கெட்டாதோர்
ஓவியத் தோற்றமுற்றாள்
வாவிமலர் தூங்கும் வண்டினையொத்த
விழிகளை மின்னலிட்டு
தாவிமலர் செல்லும்தன்மைகெடுத்தென்னை
தாவணியில் முடிந்தாள்
காரெழும் வான்முகில் கட்டுடை கூந்தலைத்
தோளில் விரித்துவைத்து
வேரெழு மூங்கில் வியன் தரு மென்மைகொள்
வெண்மலர்க் கையெடுத்து
தேரெனவே அசைந்தாடும் நளினத்தில
சித்திரமாய் அசைந்து
பேரெனை பித்தனென்றாக்கிய வித்தகி
பேச்சை இழக்கவைத்தாள்
தேடி மலர் கொய்ய பூந்தளிர் தூங்கிடும்
சோலை அலைந்திருந்தேன்
வாடிக் கருகிடும் வண்ணமலர்பல
வீணில் பறித்துவந்தேன்
கூடிவிழிமலர் கொஞ்சிடும்தாமரை
கூந்தலில் பூஇருத்தி
கோடிமலர் கொண்ட மேனி மலர்க்கொரு
பூசணி கட்டிவைத்தாள்
செவ்விளவானச் சிவப்பினிலே பல
சித்திர மேகங்களில்
எவ்வித மிங்கவள் எட்டிநிறமெடுத்
தீர்கன்னம் பூசிவைத்தாள்
கொவ்வை இதழ்கள் குலுங்க சிரித்தவள்
கொட்டிய புன்னகையில்
பவ்வியமோஇந்த காளைதனை ஓர்
பைங்கிளி வென்றுவிட்டாள்