சுயவிமர்சனம்

[inban]

மறுமணம் குறித்து
மாநாடு நடக்கிறது
வீட்டில்.

தாலி தரித்த பாரத்தோடு
அரசமரம் சுற்றுகிறாய் நீ

புகையின் கொடுநாக்கில்
வெந்துபோன
உயிரணுக்களோடு நான்.

[பென்ஸ்]

சுடும் கவிதை...

அவன் வாயில் இன்னும் சிகிரெட் இருக்கிறதா என்ன...??
வீட்டார் வாயும் இவள் மனதும் படபடக்காமல் இருக்க வைக்கலாமே...
முதுகெலும்புமா இல்லை...???

[அமரன்]

உண்மைதான்..அவன்
ஆண்மை இல்லாதவன்தான்..

[சிவா.ஜி]

கணவனா......வீணனா.....??

காட்டமானக் கவிதை இன்பன்..ஆனால்....காந்த வேண்டியவர்களுக்கு காந்துமா....?

வாழ்த்துக்கள்.

[பூமகள்]

தன்னியல் அறிந்தவன்..
தன்னில் புதைக்கும் நிஜம்..

அறிவிக்காமலே
அரங்கேறும் அவலம்..

தடுக்கப்பட்டதா?
முடுக்கப்பட்டதா??

அனைத்தையும் கவனித்தும் சரியாக்க முனையா அவன்.. செயலற்ற உயிரணுவினும் சிறிதே....

--
சுறுக்கென்று இருக்கிறது.. பாராட்டுகள் பலப்பல.