சசிதரன்
30-07-2010, 05:58 PM
சாத்தானுடனான சதுரங்க ஆட்டம்
விளையாட சுவாரஸ்யமாயிருக்கும்.
நீங்கள் அஞ்சி அஞ்சி அனுப்பும்
உங்கள் சிப்பாய்களை அது
கருணையின்றி வெட்டி வீழ்த்தும்போது
கொஞ்சம் நடுக்கமாயிருக்கும்.
தோல்வியின் பயம் உங்களை
ஆக்கிரமிக்க தொடங்கும் தறுவாயில்
உங்கள் குதிரைகளின் தலையும்
மண்ணில் விழும்.
இழப்பின் வலி வெளியெங்கும் தெறிக்க
மதம் பிடித்தபடி ஓடத் தொடங்கும்
உங்கள் யானைகளின் காலடியில்
நசுங்கத் தொடங்குவர் சாத்தானின் சிப்பாய்கள்.
உங்கள் கால் நனைக்கும்
எதிரி சிப்பாயின் குருதியில்
இன்னும் இன்னும் வெறியோடு
வெட்டி வீழ்த்தப்படும் தலைகள்.
உங்கள் வெறித்தனத்தில் சாத்தான்
கொஞ்சம் நடுங்கிப் போகையில்
தாமதம் ஏதுமின்றி அதன் படையனைத்தையும்
வெட்டி வீழ்த்துங்கள்.
தனிமையின் பெரும்பயத்தைக் கண்டு
கதறத் தொடங்கும் சாத்தான்
உங்கள் முன் மண்டியிட்டுக் கெஞ்சுகையில்
கருணையின்றி அதன் தலையைக் கொய்யுங்கள்.
ஒன்றை மட்டும்
கவனத்தில் எடுத்துக் கொள்ளுங்கள்..
சாத்தானை வெற்றி கொண்டு
ஒரு கடவுளென நீங்கள் மாறும் வேளையில்
பார்ப்பவர்கள் உங்களை உருவகப்படுத்தக்கூடும்
சாத்தானென.
விளையாட சுவாரஸ்யமாயிருக்கும்.
நீங்கள் அஞ்சி அஞ்சி அனுப்பும்
உங்கள் சிப்பாய்களை அது
கருணையின்றி வெட்டி வீழ்த்தும்போது
கொஞ்சம் நடுக்கமாயிருக்கும்.
தோல்வியின் பயம் உங்களை
ஆக்கிரமிக்க தொடங்கும் தறுவாயில்
உங்கள் குதிரைகளின் தலையும்
மண்ணில் விழும்.
இழப்பின் வலி வெளியெங்கும் தெறிக்க
மதம் பிடித்தபடி ஓடத் தொடங்கும்
உங்கள் யானைகளின் காலடியில்
நசுங்கத் தொடங்குவர் சாத்தானின் சிப்பாய்கள்.
உங்கள் கால் நனைக்கும்
எதிரி சிப்பாயின் குருதியில்
இன்னும் இன்னும் வெறியோடு
வெட்டி வீழ்த்தப்படும் தலைகள்.
உங்கள் வெறித்தனத்தில் சாத்தான்
கொஞ்சம் நடுங்கிப் போகையில்
தாமதம் ஏதுமின்றி அதன் படையனைத்தையும்
வெட்டி வீழ்த்துங்கள்.
தனிமையின் பெரும்பயத்தைக் கண்டு
கதறத் தொடங்கும் சாத்தான்
உங்கள் முன் மண்டியிட்டுக் கெஞ்சுகையில்
கருணையின்றி அதன் தலையைக் கொய்யுங்கள்.
ஒன்றை மட்டும்
கவனத்தில் எடுத்துக் கொள்ளுங்கள்..
சாத்தானை வெற்றி கொண்டு
ஒரு கடவுளென நீங்கள் மாறும் வேளையில்
பார்ப்பவர்கள் உங்களை உருவகப்படுத்தக்கூடும்
சாத்தானென.