குணமதி
28-04-2010, 06:04 AM
என்றும் மகிழ்ந்திடுக!
ஒவ்வொரு ஆண்டும் ஏப்பிரலிலே
உயர்நாள் இருபத் திரண்டதுவே
செவ்வி மிகுந்தே சிறந்திடும்எம்
செல்வி அருவி பிறந்ததுவே!
அவ்வோர் அரிய நாளினிலே
அன்பில் ஆயா தாத்தாவும்
செவ்வை நெஞ்சில் வாழ்த்துகிறார்
சிறப்பாய்ப் படித்து வளர்கவென!
அழகுத் தம்பி செம்மலுக்கே
அன்பாய்ப் படிப்பில் உதவிடவும்
பழக்க மான சிறுவருடன்
பாடிப் பழகி ஆடிடவும்
வழக்கம் போலத் தாய்தந்தை
வாய்ச்சொல் மதித்து நடந்திடவும்
ஒழுக்கம் உண்மை மாறாது
ஒளியாய்த் திகழ வாழ்த்துகிறார்!
நன்றாய் உடலைப் பேணிடுக!
நலமாய் வாழக் கற்றிடுக!
ஒன்றி உள்ளம் படிப்பினிலே
ஊன்றி நன்கு படித்திடுக!
என்றும் மகிழ்வாய் இருந்திடுக!
எதற்கும் கலங்கா மனங்கொள்க!
இன்று போல இனிமையுடன்
என்றென் றைக்கும் மகிழ்ந்திடுக!
---------------------------------------------
செவ்வி = அழகு
செவ்வை = நேர்மை, செப்பம், தூய்மை
ஒளியாய் = அறிவாய், புகழாய்
பேணிடுக = காப்பாற்றுக
ஊன்றி = ஆழ கவனம் செலுத்தி
கலங்கா = மிகவும் வருந்தாத
இனிமையுடன் = இன்பத்துடன்
----------------------------------------------
ஒவ்வொரு ஆண்டும் ஏப்பிரலிலே
உயர்நாள் இருபத் திரண்டதுவே
செவ்வி மிகுந்தே சிறந்திடும்எம்
செல்வி அருவி பிறந்ததுவே!
அவ்வோர் அரிய நாளினிலே
அன்பில் ஆயா தாத்தாவும்
செவ்வை நெஞ்சில் வாழ்த்துகிறார்
சிறப்பாய்ப் படித்து வளர்கவென!
அழகுத் தம்பி செம்மலுக்கே
அன்பாய்ப் படிப்பில் உதவிடவும்
பழக்க மான சிறுவருடன்
பாடிப் பழகி ஆடிடவும்
வழக்கம் போலத் தாய்தந்தை
வாய்ச்சொல் மதித்து நடந்திடவும்
ஒழுக்கம் உண்மை மாறாது
ஒளியாய்த் திகழ வாழ்த்துகிறார்!
நன்றாய் உடலைப் பேணிடுக!
நலமாய் வாழக் கற்றிடுக!
ஒன்றி உள்ளம் படிப்பினிலே
ஊன்றி நன்கு படித்திடுக!
என்றும் மகிழ்வாய் இருந்திடுக!
எதற்கும் கலங்கா மனங்கொள்க!
இன்று போல இனிமையுடன்
என்றென் றைக்கும் மகிழ்ந்திடுக!
---------------------------------------------
செவ்வி = அழகு
செவ்வை = நேர்மை, செப்பம், தூய்மை
ஒளியாய் = அறிவாய், புகழாய்
பேணிடுக = காப்பாற்றுக
ஊன்றி = ஆழ கவனம் செலுத்தி
கலங்கா = மிகவும் வருந்தாத
இனிமையுடன் = இன்பத்துடன்
----------------------------------------------