simariba
13-04-2010, 02:25 AM
நிச்சயம் முடிந்தபின்
காதல் நிறைந்து
தொடங்கிய வாழ்க்கை...
அன்பும் வம்பும் கலந்த
இல்வாழ்க்கை...
சொல்லிவிட்டால் முடிந்ததை
செய்கிறாய்
சொல்லாமல் தெரிந்து கொள்
என்றால் வைகிறாய்
நீ சொல்வதையும்
சொல்ல நினைப்பதையும்
கூடச் செய்கிறேன்
சரியில்லை என்கிறாய்...
எது வேண்டும் என
கேட்டுக்கேட்டுச் செய்தாலும்
சமைத்தது சரியில்லை
துடைத்தது சரியில்லை
குழந்தைக்கு உணவூட்டியது சரியில்லை
எதுவுமே சரியில்லை - என்கிறாய்
ஒன்பது வருடங்களில்
நீ சொல்லும் சரியில்லைகளை
நானும் நம்ப ஆரம்பித்துவிட்டேன்
எதுவுமே சரியில்லை என்றால்
எதற்கு தான் என் இவ்வளவு
முயற்சியும் உழைப்பும்
உனக்காக....?
உன் சரியில்லை
வாள்வீச்சிலிருந்து
என்னை நான் காக்க
எடுத்துக் கொண்ட
என்னிலும் பெரிய கேடயம்
என்னையும்,
உனக்கான என் காதலையும் கூட
மறைத்து விடுகிறது அன்பே
உன்னிடமிருந்து....
பதில் சரியில்லை வாள்களை
நானும் வீசினால்...
உன் சரியில்லை
சரியான நிஜமாகிவிடும்...
உன்மீது காதல் அப்படியே
இருக்கிறது கண்ணா...
மனமிருந்தால்
உன் வாளை கீழே போடு..
நான் என் கேடயத்தை
கீழே போடுகிறேன்...
காவியமாய் வாழலாம்...
இல்லையென்றால்
இருக்கவே இருக்கிறது
இருதுருவமாக போர்க்களத்தில்
வாள்களுடனும் கேடயங்களுடனும்
சராசரி வாழ்க்கை...
காதல் நிறைந்து
தொடங்கிய வாழ்க்கை...
அன்பும் வம்பும் கலந்த
இல்வாழ்க்கை...
சொல்லிவிட்டால் முடிந்ததை
செய்கிறாய்
சொல்லாமல் தெரிந்து கொள்
என்றால் வைகிறாய்
நீ சொல்வதையும்
சொல்ல நினைப்பதையும்
கூடச் செய்கிறேன்
சரியில்லை என்கிறாய்...
எது வேண்டும் என
கேட்டுக்கேட்டுச் செய்தாலும்
சமைத்தது சரியில்லை
துடைத்தது சரியில்லை
குழந்தைக்கு உணவூட்டியது சரியில்லை
எதுவுமே சரியில்லை - என்கிறாய்
ஒன்பது வருடங்களில்
நீ சொல்லும் சரியில்லைகளை
நானும் நம்ப ஆரம்பித்துவிட்டேன்
எதுவுமே சரியில்லை என்றால்
எதற்கு தான் என் இவ்வளவு
முயற்சியும் உழைப்பும்
உனக்காக....?
உன் சரியில்லை
வாள்வீச்சிலிருந்து
என்னை நான் காக்க
எடுத்துக் கொண்ட
என்னிலும் பெரிய கேடயம்
என்னையும்,
உனக்கான என் காதலையும் கூட
மறைத்து விடுகிறது அன்பே
உன்னிடமிருந்து....
பதில் சரியில்லை வாள்களை
நானும் வீசினால்...
உன் சரியில்லை
சரியான நிஜமாகிவிடும்...
உன்மீது காதல் அப்படியே
இருக்கிறது கண்ணா...
மனமிருந்தால்
உன் வாளை கீழே போடு..
நான் என் கேடயத்தை
கீழே போடுகிறேன்...
காவியமாய் வாழலாம்...
இல்லையென்றால்
இருக்கவே இருக்கிறது
இருதுருவமாக போர்க்களத்தில்
வாள்களுடனும் கேடயங்களுடனும்
சராசரி வாழ்க்கை...