சிலந்திவலை....!!

[சிவா.ஜி]

ஒரு வலைதளத்தில் வாசித்தக் கவிதை. வாசித்ததும் மிகப் பிடித்துவிட்டது.


எப்போதும்
உன் வீடு எனக்கழகு..
உனக்கழகா தெரியாது..

எப்போதும்
என் வீடும் எனக்கழகு..
உனக்கழகா தெரியாது..

என் வீட்டில் உன் வீடு
ஒருபோதும் அழகில்லை..

எப்போதும் அறுத்தெறிகின்றேன்
மனதில் வலியோடு..

....அப்துல்காதர்...

[அக்னி]

கவிதை அழகுதான்...

சிலந்திவலையின் நேர்த்தி
எப்போதும் வியப்பைத் தருவதொன்று...
அழகுக்குள் ஆபத்து எப்போதுமுண்டு
எனவும் உணர்த்துவதுண்டு...

ரசித்ததைத் தந்த சிவா.ஜி க்கு நன்றிகள்...
படைத்தவருக்குப் பாராட்டுக்கள்...

[கீதம்]

மேனகா காந்தி அவர்கள் ஒருமுறை சொல்லியிருந்தார்: என் வீட்டில் சிலந்தி வலைகளை நான் கலைப்பதேயில்லை என்று.

எல்லோரும் அப்படி நினைத்தால் வீட்டின் நிலை என்னவாகும்?

கவிதை நன்று. பகிர்ந்தமைக்கு நன்றி சிவா.ஜி அவர்களே.

[rajarajacholan]

நல்லாருக்குங்க

[சிவா.ஜி]

கவிதையை பல கோணங்களில் பார்க்க முடியும் என்பதுதான் இந்தக் கவிதையின் சிறப்பு. வாசித்ததில் பிடித்திருந்தது. பதிந்தேன்...அதை வாசித்து என்னுடன் ரசனையைப் பகிர்ந்து கொண்ட அக்னி, கீதம் மற்றும் சோழனுக்கு அன்பான நன்றிகள்.

[கலையரசி]

சிலந்தி வலை ஓர் அழகு தான். அந்தப் பின்னலின் நேர்த்தியையும் அதன் நடுவில் அது ஒய்யாரமாக அமர்ந்திருப்பதையும் பார்த்துப் பலமுறை நான் ரசித்திருக்கிறேன்.
ஆனால் என் செய்வது? நம் வீட்டில் அது அழகில்லையே!
கவிதை நன்று. பகிர்ந்தமைக்கு நன்றி.