புன்னகை விடு தூது

[jawid_raiz]

http://1.bp.blogspot.com/_tvBk3RLflXE/SxPUr4yUnuI/AAAAAAAAARg/8DcgElv5q4Q/s400/414489291_b92c8fefff_o.jpg

கண்ட மறுகணமே
என்னை பார்த்து புன்னகைக்கும்
உன் குழந்தையிடம்
"இந்த அங்கிளை தெரியுமா?"
என்று கேட்கும் உன் கணவனுக்கு
புரியாவிட்டாலும்...

நான் புரிந்து கொண்டேன்

நீ கருவுற்றிருக்கும் போதும்
என்னைத் தான்
நினைத்துக் கொண்டிருந்திருக்கிறாய்
என்பதை

[பா.ராஜேஷ்]

நல்ல வரிகள், நல்ல புகைப்படமும் கூட....
ஆமாம், காதலித்து கைவிடப் பட்ட கவிதையாகவே எழுதுவது என முடிவு செய்து விட்டீர்களா என்ன?

[jawid_raiz]

இப்போதைக்கு எனது பதில் "மௌனம்...................."

[பா.ராஜேஷ்]

புண்படுத்தும் நோக்கில் கேக்கவில்லை... மன்னிக்கவும்...

[jawid_raiz]

புண்படுத்தும் நோக்கில் கேக்கவில்லை... மன்னிக்கவும்...

நீங்கள் புண்படுத்தவில்லை அன்பரே

[ஜனகன்]

ரொன்ப நல்லாய் இருக்கு உங்கள் கவிதை, மவுனம் பேசுகிறது.

[இளசு]

நிறைவேறாக் காதலும்
உள்ளாறாப்புண்ணும்...

வடித்தபடிதான் இருக்கும்..
கண்ணீர்க் கவிதையும்..
செந்நீர் நிணமும்..


பாராட்டுகள் ஜாவித்!

[குணமதி]

காதலில் ஈகம் செய்தவர், காதலிக்குச் சிக்கலேற்படுத்தாமல் வாழவிடுவதே சிறப்பு.

இல்லையேல், ஈகம் பொருளற்றதாகிவிடும் அல்லவா?

[arun]

ரொம்ப ஆழமான வரிகள் ஜாவித் நன்றாக இருந்தது பாராட்டுக்கள்

[சிவா.ஜி]

நீங்கா நினைவுகள்....நீடிக்கும் அடையாளங்கள்.

வரிகள் அருமை. வாழ்த்துகள் ஜாவித்.

[jawid_raiz]

பாராட்டுகளுக்கு நன்றி தோழர்களே

[செல்வா]

மனித மனத்திற்கு ஒரு குணமுண்டு....

நமக்குப் பிடித்திருந்தால் ஒவ்வொரு சிறு சிறு நிகழ்விற்கும் சிறு சிறு அர்த்தங்கள்
கண்டுபிடித்துக்கொண்டு... அவற்றில் மகிழ்ச்சி கொள்ளும்.

படைப்பாற்றலுக்கான மூலமும் அதுவே..

தொடர்ந்து படைக்க வாழ்த்துக்கள்..

[jawid_raiz]

உங்கள் கருத்து உண்மையே! சில கவிதைகளில் வாசகனுக்கு புரியும் சில இனிமைகள், எழுதியவனுக்கு கூட தெரியாமல் இருக்கிறது...