நீ

[sathyamani]

என்னவெல்லாமோ யோசித்து..
எழுத பேனா எடுத்தால்
நினைத்தது எல்லாம் மறந்து போக
நினைக்காமல்
நினைவுக்கு வருகிறாய்
மறந்து போன நீ

[ஆதி]

நினைக்காமல் நீ
நினைவுக்கு வர
நிரம்பி போகிறது
மறந்து போன
உன் நினைவுகள்
என் காகிதமெங்கும்..

பலருக்கும் ஏற்படும் அனுபவத்தை அழகாக கவிதையில் வார்த்திருக்குறீர்கள், அழகிய குறுங்கவிதை சத்யாமணி, வாழ்த்துக்கள் தொடர்ந்து எழுதுங்கள்..

[பூமகள்]

அணு அணுவாய் அனுபவித்து ரசித்தீர்களோ...

இரு நிலைகளை இருவரும் விளக்குகிறீர்கள்..

நினைவலை அழிக்கும் எழுத்து நிலை..
நினைவலை நிரப்பும் எழுத்து நிலை..

நல்ல கவிதை..

இருவருக்கும் பாராட்டுகள்..

தகுந்த வடிவம் கொடுத்த ஆதிக்கு நன்றி... (எழுத்துப் பிழையை 'அனுபவம்' கவனத்தில் கொள்ளவும்..)

[ஆதி]

//அணு அணுவாய் அனுபவித்து ரசித்தீர்களோ...
எழுத்துப் பிழையை 'அனுபவம்' கவனத்தில் கொள்ளவும்..//

நல்ல வேளை சாம்பவி இல்லை.. தப்பிச்சிட்டேன்..

மாற்றிட்டேங்க... சுட்டியமைக்கு நன்றி.. :)

[அமரன்]

சத்தியமணியின் மன ஓசையை உணர்ந்த பிறகு என் மனதில் எழுந்த அலைகளை வரிகளாக்குவோம் என்றால் ஆதி அதுக்கு இடங்கொடுக்கவில்லை. பாராட்டுகள் இரு அற்புதக் கவிதை தந்த செந்தமிழோர்களுக்கும்.

என்ன அதிசயம்..
உன்
நினைவுகளின் மலிவினாலும்
நலிவடையவில்லை
என் கவிதைச் சந்தை.:lachen001:

[ஓவியன்]

’இரண்டு மனம் வேண்டுமென்ற’ பாடல் வரிகள் தான் மனதில் நிழலாடுகிறது...

நல்ல கவி தந்த சத்தியமணிக்கும், அழகான பின்னூட்டம் தந்த நண்பர்களுக்கும் வாழ்த்துகள்..!! :)

[aren]

மறந்தால்தானே நினைப்பதற்கு. அந்த நினைவுகள் என்று உங்களுடனேயே இருக்கும் அல்லவா?