மின்மினிகள்

[ஆதி]

முற்பொழுதில் கழுதைகள்
தற்பொழுது
"கான்வெண்ட் குழந்தைகள்"
-முதுகில் பொதி

[ஆதி]

அம்மா என்றழைக்க அடித்தாள்
"மம்மி" என்றழ திளைத்தாள்
தமிழ்த்தாய்

[umakarthick]

அது காண்வெண்ட் தானே?

[ஆதி]

அது காண்வெண்ட் தானே?

மன்னிக்கவும் மாற்றிவிடுகிறேன்

[பாரதி]

குறும்பாக்கள் நன்றாக இருக்கின்றன ஆதி.

பல வருடங்களுக்கு முன்பு செய்திமலரில் "நம்ம ஊரு பள்ளிக்கூடம்" என்ற பெயரில் வந்த செய்தியில் படித்த கவிதை இப்போது நினைவுக்கு வருகிறது.
------------------------
கழுதைகள் மிரண்டன
கான்வெண்ட் குழந்தைகளின்
முதுகைப்பார்த்து.
------------------------
பள்ளிக்குழந்தைகள் குழந்தைகளாக எப்போதுதான் கல்வித்துறையால் பார்க்கப்படப்போகிறார்களோ தெரியவில்லை...ஹும்..

தொடருங்கள் ஆதி.

[ஓவியன்]

முன்பு ஏதோ ஒரு வார மலரில் படித்தது,

”படிப்பதோ
எல்.கே.ஜி, யு.கே.ஜி
சுமப்பதோ
15.கே.ஜி, 20.கே.ஜி..!!”

மீள, இந்தக் வரிகளை ஞாபக அலைக்குள்
சிக்க வைத்த மின்மினி வரிகளுக்கு வாழ்த்துக்கள் ஆதி..!!

தொடர்ந்து மின்னட்டும் மின்மினி வரிகள்...!! :)

[அறிஞர்]

நம்மூர் கான்வெண்ட் குழந்தைகளின் நிலை பற்றி கதைகள் அருமை...
"பொதி சுமக்கும் குழந்தைகள்"

[நாகரா]

புத்தகச் சுமையில்
நசுங்கும்
குழந்தைப் பருவம்!

குறும்பாக்கள் அருமை ஆதி

[ravy]

வாழ்க்கையை நிமிர்த்த
கூனுடன் போராடும்
குழந்தைகள்!

[ஓவியன்]

வாழ்க்கையை நிமிர்த்த
கூனுடன் போராடும்
குழந்தைகள்!

வாருங்கள் ரவி, நல்லதோர் பின்னூட்டக் கவி....

மன்றத்தின் புதியவர்களுக்கான அறிமுகப் பகுதியில் (http://www.tamilmantram.com/vb/forumdisplay.php?f=38)உங்களைப் பற்றி ஒரு அறிமுகத் திரியினைத் தரலாமே....

[aren]

குழந்தை அம்மா என்று கத்தியவுடன்
ஓடிவந்தாள்
*
*
*
*
வேலைக்கார ஆயா!!!!!

[நாகரா]

ரவி, ஆரென் இவர்களின் குறும்பாக்கள் அருமை

[samuthraselvam]

முதியோர் இல்லத்திலிருந்து அப்பாவை

வீட்டுக்கு அழைத்து வந்தான் மகன்.

இன்று ஓய்வூதியம் வரும் தினமாம்.

[செல்வா]

குறும்பாக்கள் அனைத்தும் அருமை தொடருங்கள்... மக்களே

[அமரன்]

முற்பொழுதில் கழுதைகள்
தற்பொழுது
"கான்வெண்ட் குழந்தைகள்"
-முதுகில் பொதி

உருப் பெருத்த பொதியுடன்
எறும்புகள் ஊர்வலம்.



அம்மா என்றழைக்க அடித்தாள்
"மம்மி" என்றழ திளைத்தாள்
தமிழ்த்தாய்

அம்மா மம்மியாக...
மின்மினிகளுடன் சேர்ந்து உள்ளமும் பறக்குது ஆதி.

பாராட்டுகள்.