எஸ்.எம். சுனைத் ஹஸனீ
25-01-2009, 04:51 PM
குண்டும் குழியுமான
அன்றாடங் காய்ச்சிகளின்
அவலமான உடல் போல்
ஆயிரத்தெட்டு விரிசல்களுடன் நிற்கும்
அவர்கள் வீட்டின் காரைச் சுவரும்
குட்டித் தீவுகள்
பெரும் கண்டங்கள்
மலைப் பிரதேசங்கள்
அனைத்தின் வரைபடங்களும்
அச்சுப்பிசகாய் வெடித்திருக்கும்
அபாயகரமான பகுதிகளையும்
அப்பட்டமாய் குறித்திருக்கும்
பெருசுகளின் வெற்றிலைச் சிதறல்கள்
மதிப்பில்லா சுவற்றின் மீதும்
பல நுறு ரூபாய்கள்
வரிசையாய் தொங்குகின்றன
பால் கணக்கு பாக்கிகளாய்
தானே தாங்குவோர் வேண்டி நிற்க
அவசர கதியில் அப்படியே
சாய்த்துச் சென்ற வாகனங்களை
சாயாமல் தாங்கி நிற்கின்றன
இழுத்துப் பிடித்து.
குருவி விஜய்யும்
பில்லா அஜீத்தும்
அமைதியாய் அடங்கியிருக்கிறார்கள்
சுவற்றின் இரண்டு ஓரங்களிலும்
ஆனால் சீமான் வீட்டுச் சுவர்கள் மட்டும்
அவர்களைப் போல் வலுத்து உறுதியாய்
வெறுமனாய் காட்சி தருகின்றன
காலணா பிரயோஜனங்களற்று.
அன்றாடங் காய்ச்சிகளின்
அவலமான உடல் போல்
ஆயிரத்தெட்டு விரிசல்களுடன் நிற்கும்
அவர்கள் வீட்டின் காரைச் சுவரும்
குட்டித் தீவுகள்
பெரும் கண்டங்கள்
மலைப் பிரதேசங்கள்
அனைத்தின் வரைபடங்களும்
அச்சுப்பிசகாய் வெடித்திருக்கும்
அபாயகரமான பகுதிகளையும்
அப்பட்டமாய் குறித்திருக்கும்
பெருசுகளின் வெற்றிலைச் சிதறல்கள்
மதிப்பில்லா சுவற்றின் மீதும்
பல நுறு ரூபாய்கள்
வரிசையாய் தொங்குகின்றன
பால் கணக்கு பாக்கிகளாய்
தானே தாங்குவோர் வேண்டி நிற்க
அவசர கதியில் அப்படியே
சாய்த்துச் சென்ற வாகனங்களை
சாயாமல் தாங்கி நிற்கின்றன
இழுத்துப் பிடித்து.
குருவி விஜய்யும்
பில்லா அஜீத்தும்
அமைதியாய் அடங்கியிருக்கிறார்கள்
சுவற்றின் இரண்டு ஓரங்களிலும்
ஆனால் சீமான் வீட்டுச் சுவர்கள் மட்டும்
அவர்களைப் போல் வலுத்து உறுதியாய்
வெறுமனாய் காட்சி தருகின்றன
காலணா பிரயோஜனங்களற்று.