போதை..

[rambal]

போதை..

புல்லின் ஸ்பர்சத்தில்
ஏற்படும்
உணர்ச்சியாய்..

பறவையின் இறகால்
வருடுவதில் ஏற்படும்
சிலிர்ப்பாய்..

அருவிக்கு அருகாமையில்
வந்து விழும்
சாரலாய்..

மழை நின்ற பின்
பரவும் சுகந்தமான
வாசனையாய்..

இருந்த போதும்..
சில்லறைச் சுகத்தில்
மனதை திளைக்கவைக்கும்
காதல் ஒரு போதை..

[சேரன்கயல்]

இயற்கையின் மீதான் காதல் அதிகம் தெரிகிறது ராம்...
இயல்பாக வந்து விழுகின்றன வார்த்தைகள்...
வாழ்த்துக்கள்...

[பாரதி]

உங்களுக்கு எழுதுவதும் ஒரு போதைதானே ராம்?

[poo]

மீண்டும் காதல்.. மீண்டும் ராம்.. மீண்டும் பாராட்டுக்கள்!!!

[இளசு]

வாழ்க்கையே போதை நாடகம்...
உமர்கய்யாம் தீட்டும் ஓவியம்
என்பார் கவியரசு..

ராமின் போதை
பின்விளைவு இல்லா இனிய போதை..
தெளியாமல் மூழ்கிக்கிடக்க
கொடுத்துவைத்திருக்க வேண்டும்..

பாராட்டுகள் ராம்..