எண்ணங்கள்

[ஆதி]

எந்த அரூப இதழ்களோ
உச்சரித்துவிடுகின்றன
இவற்றை..

அந்தகார சாத்தான்கள்
அண்ட மறுக்கும் சுடராகவும்
அண்ட அழைக்கும் கூடாரமாகவும்
இருந்து தொலைப்பவை..

வெற்று மௌனத்தையும்
உற்று தோண்டி
ஆழங்களில் இருந்து
பெருங்கனங்கள் பெற்றுத்தருபவை..

"முடியாமை'களை துரத்தி
"முடியும்"களை இருத்த வல்லவை..

இல்லாதன கண்படவும்
இருப்பன கண்மறையவும்
காணக் கொடுப்பவை..

பேரெதிரியும்
பிரதான நண்பனுமாய்
அவரவர் எண்ணங்கள்
அவரவர்க்கும்..

[kavitha]

"முடியாமை'களை துரத்தி
"முடியும்"களை இருத்த வல்லவை..
எண்ணங்கள் பற்றிய கவிதை அருமை.


அந்தகார சாந்தான்கள்
இவ்வார்த்தை இங்கே சரிதானா?

[அமரன்]

எண்ணம் சிந்திய வண்ணம் தேன் கிண்ணம்.
உயர்ந்த உள்ளம் பாடும் பாடலிது.

பாராட்டுகள் ஆதி!

[தமிழ்தாசன்]

எண்ணங்கள் தூவிய நின் வலிமை வாழ்த்துப்பெறும்.
உள்ளங்கள் என்றும் வலிமை பெறும்.

[சிவா.ஜி]

எண்ணங்கள் சுவைக்கின்றன, சிந்திக்க வைக்கின்றன....எழுத்தாளுமை பிரமிக்க வைக்கிறது. வாழ்த்துகள் ஆதி.

[வசீகரன்]

பேரெதிரியும்
பிரதான நண்பனுமாய்
அவரவர் எண்ணங்கள்
அவரவர்க்கும்..

அற்புதம் ஆதி... :icon_b:
எண்ணங்கள் அழகானால்...
ஏனையவும் அழகாகும் இல்லையா...!