என் பொழுதுகள் சாய்வதில்லை

[ஆதி]

சாம்பலில் இருந்து
விழுந்தது எனக்கான
விதை..

என் கருவறை
கல்லறையாலானது..

அந்திமத்தில் இருந்து
நிகழ்ந்தது என் பிரசவம்..

மாயனக்கூண்டில் இருந்து
விடுதலை கொண்டது
என் சிறகுகள்..

மரணச் செடியிலிருந்து பூத்த
மலர் நான்..

[இளசு]

கூட்டுப்புழுவின் முடிவு
வண்ணத்துப்பூச்சியின் தொடக்கம்..

சருகுகளின் மரணம்
மண்ணுரத்தின் ஜனனம்..

வாழ்க்கைச் சக்கரம் நிற்பதில்லை!

வாழ்த்துகள் ஆதி!

[ஆதவா]

சாம்பலில் இருந்து
விழுந்தது எனக்கான
விதை..

என் கருவறை
கல்லறையாலானது..

அந்திமத்தில் இருந்து
நிகழ்ந்தது என் பிரசவம்..

மாயனக்கூண்டில் இருந்து
விடுதலை கொண்டது
என் சிறகுகள்..

மரணச் செடியிலிருந்து பூத்த
மலர் நான்..

புரிவதற்குக் கொஞ்சம் கடினம்தான்..
சொல்லுங்கள் தெரிந்துகொள்கிறேன்,,

[சிவா.ஜி]

ஒரு முடிவு அடுத்த தொடக்கம்..இந்தியாவில் சாயும் பொழூது இன்னொரு நாட்டில் புலரும்....

ஆர்ப்பாட்டமில்லாத அழகிய கவிதை. பாராட்டுகள் ஆதி.

[ஆதி]

புரிவதற்குக் கொஞ்சம் கடினம்தான்..
சொல்லுங்கள் தெரிந்துகொள்கிறேன்,,

சிவா அண்ணன் கருவைப்பிடித்துவிட்டார்..

இது சூரியன் பேசுவது போல ஒரு கவிதை..

[கலைவேந்தன்]

புனரபி ஜனனம் புனரபி மரணம் இந்த வாழ்க்கைத்தத்துவத்தை புதுமையாய் வழங்கிய ஆதியைப்பாராட்டுகிறேன்!