PDA

View Full Version : அடடாவினால் நம் தமிழ் அழகா?



lenram80
27-05-2008, 05:27 PM
பூவுக்கும் உனக்கும்
ஆறு வித்தியாசங்கள் தேடி
ஏமாந்து போன நேரத்தில்
எழுதிய கவிதை இது!

இன்பத்துப் பாலிலும் இல்லை!
அகநானூறு நூலிலும் இல்லை!
நீ அடிக்கடி சொல்லும் "அடடா..."க்கான விளக்கம்!

நீ "வாடா போடா" சொல்லும் போது தான்
எப்படி மெல்லினமாக வரவேண்டிய "டா"வை
வல்லினத்தில் சேர்த்தார்கள்?
என்ற ஐயம் எனக்கு!

அட என்ன இது? இந்த பூங்கா முழுதும் உன் கட் அவுட்கள்!
ஓ! இவை எல்லாம் பூக்களா?

இரவில் இனி நீ விழிக்காதே!
விட்டில் பூச்சிகள் விளக்கென நினைத்து
உன் விழியில் விழுந்து விடப் போகின்றன!

தமிழ் நாட்டு தேன் முழுவதிலும் உன் வாசம்!
பூவென நினைத்து
தேனீக்கள் உன் இதழில் அமருவதால்!

இரவு முழுதும் உன் வாசல் படியில் ஒரே அழுகைச் சத்தம்!
நீ கழட்டிப் போட்டதால் கதறி அழும் உன் காலணிகள்!

நீ நடக்கா விட்டாலும்
உன் கால் தொட்ட சந்தோஷத்தில்
24 மணியும் துள்ளிக் குதிக்கும் உன் கொலுசுகள்!

உன் கழுத்தில் பட்டதால்
24 காரட் ஆன கவரிங் சங்கிலி!

தன்னை மாட்டுவதற்காக
உன்னைக் குத்தி காயப்படுத்தியதை தாங்க முடியாமல்
உன் காதிலேயே தூக்கு மாட்டித் தொங்கும் உன் காதுக் கம்மல்கள்!

நான் உன் கை பிடிப்பதற்குள்
உன் கையை அது பிடித்ததால்
என்னைப் பார்த்து ஏளனமாய் ஒளிரும் உன் கை வளையல்கள்!

உன் மோதிரத்தைப் பற்றி இங்கே எழுதாததால்
தங்கள் இனத்தை நிராகரித்ததற்காக
எங்கோ தொலைந்து போன என் கை விரல் மோதிரம்!

பொதுவாகச் சொல்வதென்றால், பொன்னால் பெண் அழகு!
குறிப்பாகச் சொல்வதென்றால், உன்னால் பொன் அழகு!

உனக்காக இதை படைப்பதால் என் தமிழ்கவிதை அழகு!
எனக்காக நீ இதை படிப்பதால் நம் கவிதைத்தமிழ் அழகு!!

Narathar
27-05-2008, 05:34 PM
"அடடா" முதலில் நீங்கள் மானாட மயிலாட "நம்ம" நமீதாவைப்பத்தி சொ(ஜொ)ல்றீங்களோன்னு நினைத்தேன்... ஹீ ஹீ நம்ம ரசணை அம்புட்டுத்தான்..

அப்புரம் வளையல்ல், கொலுசு என்று சொல்லும் போதுதான் புரிந்தது நீங்கள் எங்கோ வசமாக மாட்டிக்கொண்டுள்ளீர்கள் என்று.

அந்த சுகமான இம்சையில் சுகித்திருக்க வாழ்த்துக்கள்.

lenram80
28-05-2008, 12:31 PM
நன்றி நாரதரே....