PDA

View Full Version : முதிர்ந்த காதல்



நம்பிகோபாலன்
15-04-2008, 10:35 AM
என் வயதிலும்
காதல் உண்டு
எந்த வயதிலும்
காதல் உண்டு...

தா தா என
கேட்க்கும் பொழுது
தேனாய் அல்லவா இனிக்கிறது

என்னவளை கரம்பிடித்த
பொழுது
ஏற்ப்பட்ட ஆனந்தம்
இரட்டிப்பாய்
என் கரத்தை உன் சந்தன
விரல்கள் பிடித்து நடக்கையில்...

நான் பெற்ற மகளிடம்
அன்னையை கண்டேன்
மகனே
உன் மகளிடம்
என்னவளை காண்கிறேன்.

வயது முதிர்ந்தாலும்
என் காதல் உதிரவில்லை
மீண்டும்
என் பேத்தியுடன்....

நாகரா
15-04-2008, 10:55 AM

அருமையிலும் அருமை
காதலெனும்
அன்பாம் ஒருமை
அதை முழுமையாய்க் கவிதையில்
நீவிர் படம் பிடித்திருக்கும் விதமும்
தரும் உமக்கென்றும்
மாளாத பெருமை.
வாழ்த்துக்கள் நம்பிகோபாலன்.

காதல் = க+ஆதல் = ஒன்றாதல் = ஒருமை = அன்பு
("க" ஒன்றைக் குறிக்கும் நற்றமிழ் எழுத்து)
எனவே தான் அமரகவி பாரதியும்
"காதல் போயின் சாதல்" என்றானோ!
ஆம், அன்பெனும் ஒருமையின்றி
நடைப்பிணமாய் நாறும் இழி நிலை
எப்படி வாழ்வாகும்?

காதல் முதிர்ந்தாலும்
நனி மிக நன்றாகவே வாழ்கிறது
வாழவும் வைக்கிறது.

நன்றி பல நல்லதோர் கவிக்கு நம்பி.

நம்பிகோபாலன்
15-04-2008, 12:15 PM
நன்றி நாகரா.

arun
15-04-2008, 07:49 PM
கவிதை அருமை பாராட்டுக்கள்