PDA

View Full Version : தேவதைக்கு திருவிழா..!



இதயம்
26-03-2008, 04:56 AM
பெண்ணே..!
கண்ணில் உனை நான்
கண்ட நேரம் கனவானாய்.!
உன்னை பிரிய மனமின்றி
என்னில் உனை ஒளித்தேன்.!
கனவாய் போன கன்னியின்
கணவனானது காதலின் வரம்.!

மண்ணில் நான் கண்ட
மாணிக்க கல் உனக்கு
என்னில் பிடிக்க சிறப்பாய்
ஏதும் இருக்கிறதா..?

பொன்னின் தரம் கொண்ட
பெண்ணின் வடிவம் நீ.!
விண்ணின் உயரமாய் காதலை
உன்னில் க(கொ)ண்டேன்..!

வரமளிக்கா கடவுளுக்கும்
வருடா வருடம் திருவிழா..!
அனுதினமும் அன்பு காட்டி எனை
ஆளும் தேவதைக்கு எடுப்பேன்
தினந்தோறும் திருவிழா..!!

செல்வா
26-03-2008, 07:56 AM
தினந்தோறும் திருவிழாவா.......? கொடுத்து வைத்தவர்கள் தான்...
வாழ்த்துக்கள் அண்ணா........

மதி
26-03-2008, 08:04 AM
தேவதைக்கு திருவிழா
எடுக்கத் தான் வேண்டும்
தினம்தினம்.

அழகான கவிதை இதயம்.

அமரன்
26-03-2008, 12:06 PM
காதலாகிக் கசிந்துருகி கவிதை நல்கிய இதயத்துக்கு பாராட்டும் வாழ்த்தும். எதுகை மோனை சுவைக்க தந்தமைக்கு நன்றி.

கொஞ்சம் மெனக்கெட்டிருந்தால் சந்தங்கள் சேர்ந்து சுவை அதிகமாகி இருக்கும்.

மண்ணுக்குள் மாணிக்கம் அகழ்ந்தெடுப்பது வழக்கம். மண்மீது மாணிக்கம் நல்ல வளம்.

அனுராகவன்
27-03-2008, 07:18 AM
அடடே தம்பி!!
நல்ல கவி படைந்த உனக்கு இந்த அக்காவின் நன்றி..
காதல் இது எவ்வளவு நாளா நடக்குது..
இன்னும் நல்லா யோசனையே கேட்டு காதல் பண்ணனு..
அப்பதான் கை கூடும்..

இதோ என் சில வரிகள்..:

திருவிழா காணு
பூக்கோளம் மகிழும்
கனவுகள் காணு
ஆசைகள் கடக்க
தொந்தரவு கொடு
காதல் கனியும்..
-அனு

ஓவியன்
27-03-2008, 08:25 AM
அன்பினால் இணைந்த உறவுகளின் இல்லத்தில் தினந்தோறும் திருவிழா தானே.........

பாராட்டுக்கள் இதயம், சந்தத்தோடு இழைத்த கவிதை காதலாய்க் கொஞ்சுகிறது....