PDA

View Full Version : அந்திமாலை பிரசவிக்கும் கவிதைகள்



shibly591
22-03-2008, 09:41 AM
அந்திமாலைச் சூரியனின்


தேய்ந்து கொண்டிருக்கும் வெம்மை
எதையெல்லாமோ சொல்ல முனைந்து
இறுதியில் எதையுமே சொல்லாமல்
இருட்டின் நிழலுக்காய்
தன்னை விட்டுக்கொடுக்கிறது

தீராத தனிமையின் வலியில்
தனக்குத்தெரிந்த மொழிகளின்
ஊமை வாசகங்களை
அங்கொன்றும் இங்கொன்றுமாய்
பறைசாற்றுகின்றன பறவைகள்

நட்சத்திரக் கண்களினுடே
பூமியைக் கண்காணிக்கத் தொடங்கிவிட்டது
கறுப்பாகிக் கொண்டிருக்கும்
நீல வானம்

வானவெளிப் பரப்பில்
சுவடுபதிக்கும்
காற்றின் மென்சலனமும்
நிர்மூலமாகிக் கொண்டிருக்கிறது..

இரவின் நீண்ட நிழலில்
இளைப்பாறத் தொடங்கியிருக்கின்றன
மரங்களும் ஆறுகளும்

ஒவ்வொரு அந்திமாலையும்
நமக்குள் எழுதிச்செல்லும்
மொழிகளைத் தாண்டிய
கவிதைகள் ஏராளம் ஏராளம்

அவைகளை நாம் வாசிக்கப் போவதில்லை
என்று தெரிந்தும் தினந்தோறும்
அது எழுதிக் கொண்டேயிருக்கிறது
வெவ்வேறு கவிதைகளை
நம்மீது..!-

நிந்தவூர் ஷிப்லி, தென்கிழக்கு பல்கலை, இலங்கை mailto:shibly591@yahoo.com

அனுராகவன்
27-03-2008, 09:20 AM
மிகவும் நல்ல கவிதை நண்பரே!!
அதுவும் கவிஞரின் கவியல்லவா...
அந்தி வெளையில் அழகே தனிதான்..
இயற்கையின் அழகை மிகவும் ரசித்து கவிதை வடித்தது..
ரசிக்க தக்கது..
நானும் இந்த சாயங்காலம் சூரியவெளிச்சதை ரசித்திருக்கிறேன்..
ஆனால் அதையே இங்கு கவிதையாக காணும் பாக்கியம்..
என் நன்றி கவிஞரே!!

meera
27-03-2008, 10:47 AM
அந்திமாலைச் சூரியனின்




அவைகளை நாம் வாசிக்கப் போவதில்லை
என்று தெரிந்தும் தினந்தோறும்
அது எழுதிக் கொண்டேயிருக்கிறது
வெவ்வேறு கவிதைகளை
நம்மீது..!-

நிந்தவூர் ஷிப்லி, தென்கிழக்கு பல்கலை, இலங்கை mailto:shibly591@yahoo.com

ஷில்பி உங்கள் கற்பனை அழகாய் இருக்கிறது. இந்த வரிகள் அருமை. தொடர்ந்து எழுத என் வாழ்த்துகள்.

பூமகள்
05-04-2008, 01:17 PM
ஆஹா... மெய் மறந்து ரசித்திருந்தேன் வெகு நேரம்..!!
அசத்தல் கற்பனை..!! மனம் நெகிழப் பாராட்டுகிறேன் சகோதரர் ஷிப்லி.

சொல்லப்படாத கற்பனைகள்
சொல்லிய வரிகளில்
வானளக்கின்றன..!!

பாராட்ட வார்த்தைகள் இல்லை ஷிப்லி அண்ணா..!!

நல்லதொரு கவிஞரின் வருகையால் மன்றம் மேலும் சிறப்படைகிறது.
இன்னும் நிறைய கவிதை தாருங்கள்..!!
கவியமுது பருக கசக்குமா என்ன??!! ;)

shibly591
05-04-2008, 01:21 PM
நன்றி பூமகள்...நான் தாங்களுக்கு அண்ணா இல்லை..தம்பி