கருணை கொலை

[இன்பா]

இயல்பானவனாய் இருந்த
என் கண்களுக்கு
ஏன்??????
அவளை பார்க்கும்
சூழ்நிலை வகுத்தாய்

இந்த காதல் வலியை
தாங்கும் வலிமை
என்னில் இல்லை

இறைவா...! என் காதலை கொடு
இல்லையேல் கருணை கொலை செய்.

[ஓவியன்]

இறைவா
காதலைக் கொடு இல்லையேல்
கருணைக் கொலை செய்...

வித்தியாசமான வேண்டு கோள் தான் வரிப்புலியாரே
ஆனால், காதல் இல்லையென்றால் இறந்துபோக விரும்புவதை
என்னால் ஏற்றுக் கொள்ள இயலாது...

வாழ்க்கைக்கு காதலும் முக்கியமானதே
ஆனால் காதல் மட்டும் வாழ்க்கை இல்லையே....!!

[சிவா.ஜி]

காதல் இல்லையேல் சாதலா....தேவையில்லையே தோழரே....
கிட்டாதாயின் வெட்டென மற...
கிட்டியால் கட்டுண்டு கிட..
உற்சாகமான அடுத்த கவிதைக்கு வாழ்த்துகள் வரிப்புலி.

[வசீகரன்]

வரிபுலியாக இருந்தாலும் காதல் என்று வந்துவிட்டால்.... ஏக்கம்தான் போல....நல்ல கவிதை நண்பரே.... ஆயினும்..... நம்பிக்கைதான் இந்த உலகின் சுழர்சியே....!மறந்து விடுங்கள் மாற்றத்தை நோக்கி நடை போடுங்கள்....!

[அமரன்]

கவிதையான் என்னுள் உணர்ச்சிகளின் ஊர்வலம்... அதில் கேட்ட கோசங்கள் சில....
கோபக்கோசம்: வலி தாங்கமுடியாதவன் உலகுக்கு வேண்டாம்..
நேசக்கோசம்: காதல் பூவாக இருக்கலாம்.. அதில் முட்களும் இருக்கலாம்.. ஆனால் இதயம் அரும்பல்ல.. கொடி.. செடி..


அன்புக்கு நாமிட்ட நாமங்களில் ஒன்று காதல். நீங்கள் சொல்லும் "கருணை" இன்னொன்று. அன்பால் பாதிக்கப்பட்டவர்கள் ஏன் அன்பாலேயே தலைதுண்டிக்கப்படவேண்டும் என்று நினைக்கின்றீர்கள்.. அன்பால் தண்டிக்கலாமே அவளை/அவனை..

கருணைக்கொலை என்ற பெயரில் தயவுசெய்து கருணையை கொலைசெய்யத்தூண்டாதீர்கள்..

கவிதைக்குப் பாராட்டுகள் புலியாரே

[இன்பா]

அன்பால் பாதிக்கப்பட்டவர்கள் ஏன் அன்பாலேயே தலைதுண்டிக்கப்படவேண்டும் என்று நினைக்கின்றீர்கள்.. அன்பால் தண்டிக்கலாமே அவளை/அவனை..

அன்பு என நீங்க குறிப்பிட்டது கடவுளைதானே !

[அமரன்]

அன்பு என நீங்க குறிப்பிட்டது கடவுளைதானே !
ஆமாம்...
நீங்களும் அப்படி நினைத்ததால் தானே கருணைக் கொலை செய் இறைவா என்று இரைஞ்சினீங்க..:)