PDA

View Full Version : தாய்மடி தூ(து)க்கத்தில்..



அமரன்
25-02-2008, 08:38 PM
சாயுங்காலம் வரை-தினம்
சாயுங்காலம் தொலை..
சாய்ந்தே இருந்தால்-முடியுமா
சாயங்காலக் கடை வேலை..!

நினைவு வழங்கி
அனுப்பியது ஊசிக்கேள்வி..
இயங்க விரும்பி-வயிறு
அழுதது தேம்பி தேம்பி..

கட்டாந்தரை மடியில்
சுருட்டி வைத்த துயில்
கொண்டது சுகத்துயில்

அயலார் அடுக்களை கரித்துகள்.
அலுப்புத் தீர்க்கா காகக்குளியல்..
அழுக்கோவியம் மறைந்த உடல்..
அவசரவெளியில் பள்ளிப்பயணம்..

அடுக்கடுக்காய் மதி போசனம்..
அவந்தேவை மதிய போசனம்..
வேளை வந்தது-வயிற்றுக்கு
வேலை தந்து நிறைத்தது..

பசிமயக்கம் தீர்ந்த மயக்கம்
விழிகசக்கி ஓய்ந்தது இயக்கம்.
நிரந்தரமின்றி தாய் மடியில்
நிரந்தர தூக்கம் நிம்மதியில்..

சுவரொட்டிய பல்லி-மனச்
சுவற்றில் ஒட்டியிருக்கும்..
தப்பித்தவறியுமினி-பள்ளிப்
பக்கம் பார்க்கலாகா தெட்டி.

இளசு
25-02-2008, 08:51 PM
இளமையில் கல்!

கல்சுமக்கும் சிறுவனைக் கண்டு எழுதிய
கபிலனின் கவிதை வரி!

இரவு -மாலைகளில் பணி
பள்ளி மதிய உணவுண்ட பின் அங்கேயே பள்ளி!

மூளைக்கும் வயிற்றுக்கும் இடையே அல்லாடும்
ஏழைச் சிறுவனின் கதை!

அமரனின் முத்திரை! பாராட்டுகள் அமரா!

அமரன்
26-02-2008, 08:44 AM
சமீபத்தில் பள்ளிச் சத்துணவுக்கூடத்து சுவர்ப்பல்லி விழுந்த நஞ்சான உணவுண்ட பிஞ்சுகள் செய்தி சாதனக்களில் காட்சிப்பொருளாக்கப்பட்டனர். எமது அஜாக்கிரதைக்கும் பல்லியை பலிக்கடாவாக்கும் முனைப்பில் நிர்வாக இயந்திரம். கதறி வைத்தியசாலை அமைதியைக் குலைக்க விரும்பாத சுமப்பவர்கள் விசும்பல் ஏற்படுத்த தாக்கம் கவிதையாக.. நன்றி அண்ணா... உங்கள் ஊக்கம்தான் பலரை ஆக்க வைக்கிறது என்றால் அது மிகையில்லை..

சிவா.ஜி
26-02-2008, 10:07 AM
படித்துக்களைக்கும் முன்பே
உழைத்துக்களைத்த உடல்
மதி கசக்கும் பாடங்கள்
விதி சிரிக்கும் பள்ளியின்
உணவுக்கூடங்கள்..
பாசகம் செய்வோரின் அலட்சியம்
பாதகம் செய்தது...பல்லியின் பெயரால்
பாழும் வயிறின் பசிக்குண்டதால்
வீழும் பாலகன் உயிர் கண்டு
அழும் நெஞ்சு அரற்றுகிறது....

அமரனின் துன்பியல் கவிதை...விதைத்தது நெஞ்சில் வலியை...

பூமகள்
26-02-2008, 04:22 PM
நெஞ்சம் கனத்து
கண்டு துடித்த
நிகழ்வு..!!

நூறு தாண்டி
கண்மணிகள்
கட்டாந்தரையில்
மருத்துவமனையில்
படுத்திருக்க
பார்த்த உள்ளம்
துடித்து விம்மியது..!

இங்கே பதிவாக்கி
இமை கலங்க
வைத்துவிட்டீர்...!!
பாராட்டுகள் அமரன் அண்ணா. :)