PDA

View Full Version : மௌனமும் வார்த்தையும்



நாகரா
28-01-2008, 03:44 AM
வார்த்தைகளை உடுத்தியும்
நிர்வாணமாகவே இருக்கிறது
மௌனம்

மௌனக் கடவுளின்
மனித அவதாரமோ
வார்த்தை

மௌனம் தன் மெய்யைத் தொட்டுணர
நீளும் விரல்களோ
வார்த்தைகள்

மௌன இருப்பில்
வார்த்தையாய் இருக்கிறேன்
நான்

மௌனங் களைந்து
நிர்வாணமாய் நிற்கும்
வார்த்தைகள்

மௌனத்துக்கு நன்றி சொல்லத்
தன் நாவு வாலாட்டும்
வார்த்தை நாய்

தன் நாவு வாலாட்டித்
தன்னை வெளிப்படுத்தும்
மௌன நாய்

வார்த்தையுடம்பில்
தன் மெய்யுணரும்
மௌனவுயிர்

தீபா
28-01-2008, 07:44 PM
ஆடை அளவதிகம்
ஆதலின் மெளன
அம்மணம்

மெளனத்திற்கு வார்த்தையுண்டு
பேசப்படுவதில்லை
உணரப்படுகிறது...
அம்மணமாக அல்ல.
ஆத்மார்த்தமாக.

வார்த்தை இருப்பதால்
வாழ்கிறது மெளனம்
வார்த்தைக் கடவுளின்
வாரிசுதான் மெளனம்

மெளனம் ஒரு பொதுமொழி
சில நேரங்களில் புரியாமொழி
சில நேரங்களில் குழப்பமொழி
ஆதலின் விட்டொழி

மெளனமே வாழ்வென
வாழ்வாரோ வாழ்வார்கள்?

மெளனம் ஆகாரம்.
மீறினால் நஞ்சு,.

அனுராகவன்
30-01-2008, 10:35 PM
வார்த்தைகளை உடுத்தியும்
நிர்வாணமாகவே இருக்கிறது
மௌனம்

மௌனக் கடவுளின்
மனித அவதாரமோ
வார்த்தை

மௌனம் தன் மெய்யைத் தொட்டுணர
நீளும் விரல்களோ
வார்த்தைகள்

மௌன இருப்பில்
வார்த்தையாய் இருக்கிறேன்
நான்


நல்ல வரிகள் நண்பரே,,..
ம்ம் என் வாழ்த்துக்கள் நாகரா..

அனுராகவன்
30-01-2008, 10:38 PM
ஆடை அளவதிகம்
ஆதலின் மெளன
அம்மணம்

மெளனமே வாழ்வென
வாழ்வாரோ வாழ்வார்கள்?

மெளனம் ஆகாரம்.
மீறினால் நஞ்சு,.

ஆகா நல்ல முயற்சி நண்பரே.
தென்றல் பலமாக உள்ளது..
ம்ம் தொடர்ந்து வாருங்கள்

சுகந்தப்ரீதன்
02-02-2008, 10:19 AM
நாகமும் தென்றலும் நர்த்தனமாடுகிறது மௌன மொழியில்..!! வாழ்த்துக்கள்..!!!

நாகரா
04-02-2008, 08:31 AM
நாக வார்த்தையால்
மௌனத் தென்றலைத்
தீண்ட முடியவில்லை

தென்றல் மௌனமாய்த் தீண்டத்
தரம் மாறும்
நாகத்தின் நச்சு வார்த்தை

மௌன அம்மணத்தைச்
சிறிதளவே மறைக்கும்
வார்த்தைக் கோமணம்

வாய் வீச்செல்லாம்
மௌனத்தின் பேச்சே

மௌனத்தில் அடங்கி நின்று
பேசு
வார்த்தைகள் மணக்கும்

வார்த்தைகள் யாவுக்கும்
மௌனமே வாழ்வு

மௌனமே உன் தாய்மொழி
எனவே குழப்பும் வார்த்தைகளாம்
அயல்மொழி மோகத்தை விட்டொழி

நச்சு வார்த்தைகளையும்
ஆகாரமாய் விழுங்கிச் செரிக்கும்
அமர மௌனம்

மௌனத்தை அறியாமல்
வாய் கிழியப் பேசி
வார்த்தையே வாழ்வென
வாழ்வாரோ வாழ்வார்கள்?