பொய்யுரைக்கணிதன்

[ஆதி]

என் ரேகைகளைக்
கணிதனிடம் காண்பித்தேன்
சொன்னான்
எனக்கும் காதலுக்கும் தூரம் என
புலப்பட்டுவிட்டது எனக்கு
பொய்யுரைக் கணிதன் அவன் என

அண்டை வீட்டில்
நீ இருக்கையில்
காதல் எனக்கெப்படி
தூரமாகும் ??

-ஆதி

[சிவா.ஜி]

காதல் சுமந்த காதலி அடுத்தவீட்டில்
அதைக் கிட்டாதென உரைத்தான் கணிதன் ஏட்டில்
இப்படி பல பொய்யுரைஞர்களுண்டு நாட்டில்
கவலை எதற்கு காதல் மழை உன் காட்டில்...

அருமையான சிந்தனை.வாழ்த்துகள் ஆதி.

[அமரன்]

தோராயமா சொல்லி
ஜாதகத்தை சாதகமாக்கும்
கணிதர்கள் கில்லாடிகள்
ஆராய்ந்து சொல்வதிலும்..

அண்டைவீட்டினகம் எங்கோ?

[யவனிகா]

எனக்கும் பொய்யெனத்தான் பட்டது,
அவன் சொன்ன அந்த நேரம்....
மெய்யென்று ஏற்று விட்டேன் இப்போது,
இதோ...இன்னொருவனுடன் நீ.....

[rocky]

அவன் கூறியது பொய்யாகவே இருக்கட்டும், யாரும் காதலியை தூரத்தில் பார்க்க விரும்பமாட்டார்கள். ஆனால் அவன் காதலுக்கும் உங்களுக்கும் தானே தூரம் என்றான் காதலிக்கும் உங்களுக்கும் இல்லையல்லவா அதுவறை சந்தோசமே

[ஆர்.ஈஸ்வரன்]

உங்களுடைய அதிர்ஷ்டம். அண்டை வீட்டிலே.