புலம்பெயர்வு..!

[அமரன்]

வேரோரிடம்.
விழுதுகளோ வேறோரிடம்.
உச்சிகள் வெட்டப்பட்ட
விருட்சங்கள்போல நாம்..

எமது நிழல்களில்
உயிரிகள் பல இழைத்துக்கொண்டு
அவர்களில்
நாம் இளைப்பாறிக்கொண்டு..!

யார் சொன்னது
அகதிகள் நாம் என்று.

[ஆதி]

புலம்பெயர்ந்தாலும்..
பிறந்த பூமியில்தான்
இன்னும் இருக்கிறது
எங்கள் வேர்கள்..
இன்னொரு விருட்சம் வளர்க்க..

அழுகையின் நகல்களாய்
அகதி என்கிறப் பெயரில்
நாங்கள்..

ஈரமூறிய வரிகளைத் தந்த அமருக்கு வாழ்த்துக்கள்..

-ஆதி

[ஆர்.ஈஸ்வரன்]

வாழ்த்துக்கள்..

[அறிஞர்]

புலம் பெயர்வின் தாக்கத்தை கூறிய வரிகள்
மனதை கனமாக்கி சிந்திக்க வைக்கிறது...

[அமரன்]

அகதி வாழ்க்கையில் எத்தனையோ அசௌகரியங்கள் இருந்தாலும், மனதுக்கு ஆறுதல் தரும் விடயங்களும் அடங்கியுள்ளன. அதை சொல்லவிழைந்தேன்.. ஊட்டமிட்ட அனைவருக்கும் எனது நன்றி..