ஆதி
24-11-2007, 08:24 AM
உவற்பு நறுமணத்துடன்
பூக்கிற இந்த மலர்கள்தான்
உலகத்தின் மணிமுடிகள்...
சிப்பிக்குள் வளராத
இந்த முத்துக்களை நூற்றுக்கொண்டு
எண்ணற்ற பேரரசுகள்
ஆட்சி அமைக்கின்றன.
இறுகிய பாறைகளையும்
பிளக்கிற வலிமை இந்த
உளிகளுக்கு இருந்தும்
பொருளாதார மண்சுவர்களை
உரசுகையில் வளைநதே போகின்றன.
காரணம்..
வறுமைக்கோட்டு
அச்சில்தான் இன்றும் பல
ஆட்சி சக்கரங்கள் சுழல்கின்றன..
கதிரவனை கறுக்கிவிடும்
நெருப்பு பிழம்புகளை
உள் வைத்திருப்பதால்தான்
வறுமை இமைகளால் இவர்
நெற்றிக் கண்கள் மூடப்படுகின்றன..
மழை முகூர்த்தங்களின்
கலப்பை கலவியில்
வேர்வைக் கருவூலங்களால்
தாய்மையாகிறாள் பூமிப்பெண்.
சாகுபடி பயிர்களின்
குருத்துக்களைக்
கட்புலனாகாத பூச்சிகள்
கொரித்து விடுதல் போல்
மகசூல்களை
மாமூல்கள் அரித்து விடுகின்றன.
சிலந்தி கூடுகளை
சமூகக் கூரைகளில்
துப்புரவு செய்கிற சமயங்களில்
ஒட்டைக் குச்சிகளாலும்
வரலாறு மாற்றம் பெற்றிருப்பதை
ஞாபகத்தில் வையுங்கள்.
உயிருள்ள ஏடுகளே!
குறித்துக்கொள்ளுங்கள்..
என்புக் கூடுகளில்
பல்குத்திக் கொள்கிற
வணிக சந்தைகளில்
வியர்வை புரட்சித் தோன்றும்
வாக்குகளுக்காகவே
ஞாபகம் வைத்திருந்த பெயர்கள்
வரலாற்றின் திருப்பு முனைகளில்
எழுதப்படும் அப்பொழுது..
-ஆதி
பூக்கிற இந்த மலர்கள்தான்
உலகத்தின் மணிமுடிகள்...
சிப்பிக்குள் வளராத
இந்த முத்துக்களை நூற்றுக்கொண்டு
எண்ணற்ற பேரரசுகள்
ஆட்சி அமைக்கின்றன.
இறுகிய பாறைகளையும்
பிளக்கிற வலிமை இந்த
உளிகளுக்கு இருந்தும்
பொருளாதார மண்சுவர்களை
உரசுகையில் வளைநதே போகின்றன.
காரணம்..
வறுமைக்கோட்டு
அச்சில்தான் இன்றும் பல
ஆட்சி சக்கரங்கள் சுழல்கின்றன..
கதிரவனை கறுக்கிவிடும்
நெருப்பு பிழம்புகளை
உள் வைத்திருப்பதால்தான்
வறுமை இமைகளால் இவர்
நெற்றிக் கண்கள் மூடப்படுகின்றன..
மழை முகூர்த்தங்களின்
கலப்பை கலவியில்
வேர்வைக் கருவூலங்களால்
தாய்மையாகிறாள் பூமிப்பெண்.
சாகுபடி பயிர்களின்
குருத்துக்களைக்
கட்புலனாகாத பூச்சிகள்
கொரித்து விடுதல் போல்
மகசூல்களை
மாமூல்கள் அரித்து விடுகின்றன.
சிலந்தி கூடுகளை
சமூகக் கூரைகளில்
துப்புரவு செய்கிற சமயங்களில்
ஒட்டைக் குச்சிகளாலும்
வரலாறு மாற்றம் பெற்றிருப்பதை
ஞாபகத்தில் வையுங்கள்.
உயிருள்ள ஏடுகளே!
குறித்துக்கொள்ளுங்கள்..
என்புக் கூடுகளில்
பல்குத்திக் கொள்கிற
வணிக சந்தைகளில்
வியர்வை புரட்சித் தோன்றும்
வாக்குகளுக்காகவே
ஞாபகம் வைத்திருந்த பெயர்கள்
வரலாற்றின் திருப்பு முனைகளில்
எழுதப்படும் அப்பொழுது..
-ஆதி