இந்துக் காலக் கணிப்பு

[mgandhi]

இந்துக் காலக் கணிப்பு முறையில், இரவு-பகல், வாரநாட்கள், மாதங்கள் போல ஆண்டுகளும் சுழற்சி முறையில் (Cyclic System) அமைந்துள்ளன. இந்த ஆண்டு வட்டம் ஒவ்வொன்றும் 60 ஆண்டுகளைக் கொண்டது. இதிலுள்ள ஒவ்வொரு ஆண்டுக்கும் தனித்தனிப் பெயர்கள் உண்டு. பிரபவ ஆண்டில் தொடங்கி அட்சய ஆண்டில் ஒரு சுற்று நிறைவடைந்ததும் மீண்டும் இன்னொரு பிரபவ ஆண்டில் அடுத்த வட்டம் ஆரம்பமாகும்.

ஆண்டுகளின் பெயர்கள்

1 பிரபவ ஆண்டு
2 விபவ ஆண்டு
3 சுக்கில ஆண்டு
4 பிரமோதூத ஆண்டு
5 பிரஜோற்பத்தி ஆண்டு
6 ஆங்கீரச ஆண்டு
7 ஸ்ரீமுக ஆண்டு
8 பவ ஆண்டு
9 யுவ ஆண்டு
10 தாது ஆண்டு
11 ஈஸ்வர ஆண்டு
12 வெகுதான்ய ஆண்டு
13 பிரமாதி ஆண்டு
14 விக்கிரம ஆண்டு
15 விஷு ஆண்டு
16 சித்திரபானு ஆண்டு
17 சுபானு ஆண்டு
18 தாரண ஆண்டு
19 பார்த்திப ஆண்டு
20 விப ஆண்டு
21 சர்வசித்து ஆண்டு
22 சர்வதாரி ஆண்டு
23 விரோதி ஆண்டு
24 விக்ருதி ஆண்டு
25 கர ஆண்டு
26 நந்தன ஆண்டு
27 விஜய ஆண்டு
28 ஜய ஆண்டு
29 மன்மத ஆண்டு
30 துன்முகி ஆண
31 ஹேவிளம்பி ஆண்டு
32 விளம்பி ஆண்டு
33 விகாரி ஆண்டு
34 சார்வரி ஆண்டு
35 பிலவ ஆண்டு
36 சுபகிருது ஆண்டு
37 சோபகிருது ஆண்டு
38 குரோதி ஆண்டு
39 விஸ்வாவசி ஆண்டு
40 பராபவ ஆண்டு
41 பிலவங்க ஆண்டு
42 கீலக ஆண்டு
43 சௌமிய ஆண்டு
44 சாதாரண ஆண்டு
45 விரோதிகிருது ஆண்டு
46 பரிதாபி ஆண்டு
47 பிரமாதீச ஆண்டு
48 ஆனந்த ஆண்டு
49 ராட்சச ஆண்டு
50 நள ஆண்டு
51 பிங்கள ஆண்டு
52 காலயுத்தி ஆண்டு
53 சித்தாத்திரி ஆண்டு
54 ரௌத்திரி ஆண்டு
55 துன்மதி ஆண்டு
56 துந்துபி ஆண்டு
57 ருத்திரோற்காரி ஆண்டு
58 இரத்தாட்சி ஆண்டு
59 குரோதன ஆண்டு
60 அட்சய ஆண்டு

இம் முறையிலுள்ள குறைபாடுகள்

வரலாற்று நிகழ்ச்சியொன்றின் காலத்தைக் குறிப்பிடும்போது, ஆண்டின் பெயரைக் குறிப்பிட்டு மாதம், தேதி முதலியவற்றையும் குறிப்பிடுவது இந்துக்களின் வழக்கம். இந்தமுறையில் நீண்ட வரலாற்றுக் காலங்களைக் குறிப்பிடும்போது குழப்பம் ஏற்படுகின்றது. ஒவ்வொரு 60 ஆண்டுகளிலும் ஒரே ஆண்டுப் பெயர் திரும்பத் திரும்ப வருவதால் சரியாக எந்த ஆண்டு குறிப்பிடப் பட்டது என்பதை அறிந்து கொள்வது சிக்கலானதே. இந்தச் சிக்கலுக்குத் தீர்வாக இந்தியாவின் வெவ்வேறு பகுதிகளில் வெவ்வேறு முறைகளைக் கையாண்டனர். கலியுக ஆண்டு, சாலிவாகன சகாப்தம், விக்கிரம ஆண்டு, கொல்லம் ஆண்டு என்பன இவற்றுட் சிலவாகும்.

[நேசம்]

புதிய செய்தியாக இருக்கிறது.நன்றி காந்தி அவர்கள்

[lolluvathiyar]

நல்ல தகவல், தற்பொழுது நடப்பது கலியுகாமா?
யுகங்களுக்கு பட்டியல் இருகிறதா.
கேலண்டரை பார்த்தேன் சர்வஜி த் வருடம் என்று போட்டிருந்தது.

[M.Jagadeesan]

இதிலே வேடிக்கை என்னவென்றால் இந்த 60 ஆண்டுகளையும், " தமிழ் வருடங்கள் " என்று குறிப்பிடுவதுதான். தாங்கள் குறிப்பிட்ட ஆண்டுக் குழப்பத்தைத் தவிர்ப்பதற்குத்தான், மறைமலை அடிகளார் தலைமையில் தமிழ் அறிஞர்கள் எல்லாம் ஒன்றுகூடி "திருவள்ளுவர் ஆண்டு " என்ற ஓர் ஆண்டை நிறுவினர். வள்ளுவர் இயேசுவுக்கு 31 ஆண்டுகள் முன்பு பிறந்ததாக ஒரு தீர்மானம் நிறைவேற்றி அது அனைத்து தமிழ் அறிஞர்களாலும் ஏற்றுக்கொள்ளப்பட்டது. ஆனால் இன்றுவரையில் அது நடைமுறைக்கு வரவில்லை.

[aren]

இதை ஒட்டியே நாம் பெரியவர்களுக்கு 60ஆம் கல்யாணம் என்று செய்கிறோம். இந்த கணக்குப்படி அவர்கள் அனைத்து 60 வருடங்களையும் கடந்துவிட்டார்கள் என்பதற்கு என்று நினைக்கிறேன்.

[சிவா.ஜி]

இவையெல்லாம் சமஸ்கிருத வருடங்கள் ஆயிற்றே....தமிழ் வருடங்கள் எங்கே...???