இதயத்தின் எடை..!

[கஜினி]

என் இதயத்தின்
எடை ஐம்பது கிலோ..!
ஆம்
என் இதயத்திற்குள்
அவள்..!

[யவனிகா]

அது சரி...அம்பது கிலோ தானா? உங்க ஆளக் கொஞ்சம் ஓவர் வெயிட் போடாமப் பாத்துக்குங்க! இல்லன்னா நீங்க இதயத்த தூக்கீட்டு நடக்கச் சிரமமாயிருக்கும். கின்னஸ் புக்குக்குத் தகவல் குடுத்துட்டீங்களா? கலக்குறீங்க கஜினி.

[கஜினி]

ஹாஹா... நன்றி அக்கா.

[ஓவியன்]

அப்போ உங்கள் மனங்கவர்ந்தவளின் இதயத்தின் எடை என்ன நூறு கிலோவா...???

அது தாங்க உங்க நிறை...??? :D:D:D

----------------------------------------------------------------------------------------

பாராட்டுக்கள் கஜனி வித்தியாசமான சிந்தனைக்கும் அழகுக் குறுங்கவிதைக்கும்...!! :)

[கஜினி]

என் மொத்த எடை நூறு கிலோதான். அதாவது என் எடை மற்றும் என் இதயத்தின் எடை இரண்டும் சேர்த்து. ஹிஹி.

[பூமகள்]

"இதயத்தில் நீ..!!
சரிசமம் இதிலுமா?
இப்போது என் எடை
நூறு கிலோ!!

ஒன்று மட்டும் புரியவில்லையே..!
என்னுள் நீ என்றால்..!
என்னில் பாதி நீ என்றால்..!
எடை மட்டும் எப்படி இரட்டிப்பாகும்??
பாதியல்லவா ஆகவேண்டும்??"


பாராட்டுகள் கஜினி..!! நல்லதொரு கவி..!!

[அமரன்]

என் இதயத்தின்
எடை ஐம்பது கிலோ..!
ஆம்
என் இதயத்திற்குள்
அவள்..!

எடை அதிகமானால்
இறக்கி வைப்பீரோ.
எடைபோட்டால் தெரியும்
அடைகாப்பின் வீரியம்

அக்கினி:- ஏனுங்கோ நம்ம இதயத்தின் எடை 50 கிலோவா..
ஓவியன்:-ஆ...ஆ....ஆ...ஆ....(எக்கோ இல்லை அதிர்ச்சி..)

[மனோஜ்]

கஜீனி உங்க இதயம் அவ்வளவு பெரியதா
நல்ல யோசுக்கிறீங்க அருமை

[கஜினி]

மிக்க நன்றி நண்பர்களே.

[நேசம்]

வாழ்த்துக்கள் கஜினி சுமப்பதற்கு !

[ஓவியன்]

வாழ்த்துக்கள் கஜினி சுமப்பதற்கு !

சுமப்பதும் சுகம் தான்
சுமப்பது சுகமான
சுமையானால்...!!

[gans5001]

என்னைக் கேட்டால் எடையற்றது என்றே சொல்வேன்... அவள் திருடி சென்று விட்டதால்