ஆதரவாக

[ப்ரியன்]

விசுக்கென எக்கிப்
பறக்கிறதொரு பறவை;
கிளை அதிர்வில்
உதிரும் இலைகளை
ஆதரவாக ஏந்திக்கொள்கிறது பூமி!

- ப்ரியன்.

[இளசு]

ஆதாரம் அகன்றோருக்கு
ஆதரவாய் இன்னொன்று
அமைவதாலேயே கொஞ்சம்
அமைதி நம் உலகில்!


வாழ்த்துகள் ப்ரியன்!

[ஓவியன்]

பிரதிபலன் எதிர்பாரா ஆரத் தழுவலும், ஆதரவும் காலம் தரும் பரிசுகள் அதனை தக்கவாறு பயன்படுத்தி அந்த ஆதரவளித்த ஆதாரத் தொடர்புக்கும் பெருமை சேர்க்கவேண்டியது நம் பொறுப்பு.

[அக்னி]

பறவை தன்னைத்
தாங்கிய கிளையை,
உதைத்து,
இலையைத் தள்ளியபோதும்,
ஏந்திய பூமி...

அருமையான கவிதை...
ஆனால்,
பறவையாய், கிளையாய், இலையாய், பூமியாய்...
சகல நிலைகளிலும் பொருந்துகின்றான் மனிதன்...

பாராட்டுக்கள் ப்ரியன்...