இயற்கையின் கைதி...

[பூமகள்]

http://img29.picoodle.com/img/img29/9/8/14/poomagal/f_BackyardSerm_0d0779b.jpg

அதிகாலைச் சூரியன்
அகவும் மயிலின்
ஆட்டம்..!

கூவும் குயிலின்
குரலோவியம்...!

தூரத்தில் போகும்
தண்டவாள ரயிலின்
தாளம்...!

விண்ணில்
வெள்ளைப்புறாக்களின்
வயல்வெளிப் பயணம்..!

இவையனைத்தும் எனை
அசையாச் சிலையாக்க,

கட்டுண்டு போனேன்...
இயற்கைத்தாயின் வனப்பில்
கவி புனைய
மறந்தவளாய்.....!

[இணைய நண்பன்]

இயற்கையின் அழகை அழகான கவிதை அழகான பட*த்தினூடே சொல்லிவிட்டீர்கள்.வாழ்த்துக்கள்

[ஓவியன்]

காம்பவுண்டாலும்
கட்டடச் சுவர்களாலும்
வேலி போட்டு முடக்கிய
நகரத்து
நரக வாழ்க்கையில்,
உங்கள் கவிதையின்
கட்டுண்டு கிடக்கும்
இயற்கை அழகுகள்
கனவிலே மட்டுமே
சாத்தியமாகிறதே..........?

அழகு வரிகளால் நான் பிறந்த ஊருக்குக் கொண்டு சென்ற பூமகளுக்கு பாராட்டுக்களும் வாழ்த்துக்களும் உரித்தாகட்டும்.

[பூமகள்]

உங்களின் ஊக்கத்திற்கு நன்றிகள்..

உங்கள் நிலை கண்டு வருந்துகிறேன். ஓவியரே...
நீங்கள் கனவில் கண்டதை நான் நிஜத்தில் காண்கிறேன்..
அதனாலேயே இப்படைப்பு.......

நன்றிகளுடன்,

[அறிஞர்]

வாழ்த்துக்கள் அன்பரே....

காதல் கவிதை பகுதியில் பதிந்ததின் காரணத்தை அறியலாமா...
இடம் மாற்றியுள்ளேன்.

[பூமகள்]

மன்னிக்கவும்...

நான் எங்கு போடுவது என்று குழம்பி கடைசியாக இயற்கை மீது கொண்ட காதல் என்று தோன்றியதால் காதல் கவிதை பக்கத்தில் போட்டேன்..

மாற்றியமைத்ததற்கு நன்றிகள் சகோதரரே..

[மீனாகுமார்]

கட்டுண்டு போனேன்...
இயற்கைத்தாயின் வனப்பில்
கவி புனைய
மறந்தவளாய்.....![/COLOR]

உங்கள் கவிதை அருமை.. இப்பூவுலகுக்கு திரும்பி வந்து மேலும் நிறைய கவிதைகளைத் தாருங்கள்....

[இளசு]

அசைவும் இசையும் லயமும் கண்டு
அசையாச் சிலையாய் ஆன முரண்.
இயற்கைக்கு அடிமையாவது
இனிய சரண்!

பாராட்டுகள் பூமகள் அவர்களே!

[அமரன்]

இயற்கையை
கட்டுப்படுத்த நினைபோரே
கட்டுப்பட்டுக் கிடப்பது
இயற்கை...

பொதுவாக் கலைகள் இலயிப்பை தருபவை. அதிலும் லயத்துடன் அமைந்த கலைகள் சொல்லவே வேண்டாம். இயற்கையில் கலைவண்ணம் கண்டு கல்லில் கண்ட கலைவண்ணமானதில் ஆச்சரியமேது. பாராட்டுக்கள் பூமகள்.

[ஓவியன்]

அசைவும் இசையும் லயமும் கண்டு
அசையாச் சிலையாய் ஆன முரண்.
இயற்கைக்கு அடிமையாவது
இனிய சரண்!!

ஆகா அண்ணா அருமை.........

[அக்னி]

காலை நேரத்தின்
மகிழ்வில்,
இதழ்விரியும் பூவாய்,
பூமகளின் கவிதை..,
அருமை...
பாராட்டுக்கள்...

[பூமகள்]

அழகான கவிதைகளினூடே... வாழ்த்தியமைக்கு நன்றிகள் அனைத்து
மன்ற மூத்தோர்க்கும்...

என் கவிதைக்கு இன்னும் அழகு சேர்க்கின்றன தங்கள் அனைவரது கவிப் படைப்பும்......! நன்றிகள்.... அன்பர்களே...!

[சிவா.ஜி]

தன்னை மறந்து எழுதிய வரிகளே வசீகரிக்கிறதே....நினைவோடு எழுதினால்....இயற்கை இடம் பெயர்ந்து...தானாக தன்னை இங்கே பதித்துக்கொள்ளும்.
இப்போதும் வரிகளில் காட்சியைக் கண்டு சொக்கித்தானே போகிறேனே....
வாழ்த்துக்கள் பூமகள்.

[இலக்கியன்]

கட்டுண்டு போனேன்... உங்கள் கவிதையில்
காலை வனப்பு நன்றாக உள்ளது

[இனியவள்]

இயற்கை மேல் கொண்ட
காதலால் இயல்பாய்
அழகிய வரிகொண்டு
உருப்பெற்ற அழகிய
கவிக்கு வாழ்த்துக்கள் பூமகள்

[பூமகள்]

தன்னை மறந்து எழுதிய வரிகளே வசீகரிக்கிறதே....நினைவோடு எழுதினால்....இயற்கை இடம் பெயர்ந்து...தானாக தன்னை இங்கே பதித்துக்கொள்ளும்.
இப்போதும் வரிகளில் காட்சியைக் கண்டு சொக்கித்தானே போகிறேனே....
வாழ்த்துக்கள் பூமகள்.

நன்றிகள் அண்ணா... !

[பூமகள்]

கட்டுண்டு போனேன்... உங்கள் கவிதையில்
காலை வனப்பு நன்றாக உள்ளது

நன்றி சகோதரர் இலக்கியன் அவர்களே.. காலை வனப்பில் கவி பாட வந்த என்னை வாழ்த்தியமைக்கு நன்றிகள்..!

[பூமகள்]

இயற்கை மேல் கொண்ட
காதலால் இயல்பாய்
அழகிய வரிகொண்டு
உருப்பெற்ற அழகிய
கவிக்கு வாழ்த்துக்கள் பூமகள்


நன்றி அருமைச் சகோதரி இனியவள் அக்கா..! :)