லினக்ஸுக்கு மாறலாமா..?

[பாரதி]

சுட்டிகளுக்கு நன்றி வியாசன், செல்வா.

நல்ல சேதிக்கு நன்றி பிரவீண். தொடர்ந்து சோதனை செய்யுங்கள்.
என்னால் பணி இடத்தில் எதுவும் செய்ய இயலாது. தாயகம் சென்ற பின்னர் நானும் லினக்ஸ்மிண்டை நிறுவுவேன். உங்கள் சோதனையில் நானும் பங்கெடுத்துக்கொள்வேன்.

உபுண்டுவுக்கு தேவையான பல விடயங்களை கொஞ்சம் கொஞ்சமாக சேகரித்து வைத்திருக்கிறேன். லினக்ஸ் நிறுவிய பின்னர் நடைமுறையில் பார்த்து விட்டு அறியத்தருகிறேன்.

லினக்ஸ் நிச்சயமாக இணைய உலாவுதலுக்கு மிகவும் நன்றாக இருக்கும் என்றே நம்புகிறேன்.

 

[sekar98425]

நண்பர்களுக்கு வணக்கம். நான் செல் சர்விஸ் செய்து வருகின்றேன் .என்னுடைய எல்லா hardware டிரைவரும் விண்டோஸ் ல் இயங்குமாறு உள்ளது அதனை லினிக்ஸ் ல் பயன்படுத்துவது எப்படி அல்லது.exe file run பண்ணுவது எப்படி என்று அறிஞர்கள் விளைக்கினால் நன்றாக இருக்கும்

 

[praveen]

முதலில் தயங்கி தயங்கி உபயோகிப்பவர்கள் கீழே உள்ள தளம் சென்று பப்பி லினக்ஸை பதிவிறக்கி ஒரு சிடியில் பதிந்து பின் அதன் மூலம் பூட் செய்து இயக்கி பார்க்கலாம்.

இந்த பப்பிலினக்ஸில் என்ன விசேசம் என்றால் கம்ப்யூட்டரில் பதிந்து பின் இயக்க வேண்டியதில்லை, சிடியிலே நேரடியாக ஓடவிட்டு உபயோகப்படுத்தலாம். பிடித்திருந்தால் பதிந்து கொள்ளலாம்.

பதிவிறக்கம் 100 எம்பி அளவில் இருந்து 200 எம்பி அளவிற்குள்ளே (பப்பி லினக்ஸிற்குள் நிறைய வகைகள் உள்ளன). எனவே இவை நேரடியாக உங்கள் கம்ப்யூட்டர் ராமிலே (தற்போது 512க்கு குறைவில்லாத ராம் எல்லோரும் கொண்டிருப்பதால்) இயங்குவதால் லோடகும் நேரம் மட்டுமே 1 நிமிடம் சிடி ஒடும். பின்னர் அந்த சிடியையும் எடுத்து விட்டு இயங்கும் போதே வேறு சிடி போட்டுக்கொள்ளலாம். நல்ல வேகம் இருக்கும்.

பார்த்துட்டு பதில் போடுங்கள்.

http://puppylinux.org/news/

இதில் பாருங்கள் ஒரு லினக்ஸ் விண்டோஸ் போலவே தோற்றம் மற்றும் விண்டோஸில் இயங்கும் பைல்களை இதில் (அவ்வளவுமில்லை சில) இயக்க வைன் என்ற மென்பொருளையும் ஒருங்கினைத்திருக்கிறார்கள். பாருங்கள் அதன் டெஸ்க்டாப்பை.

 

[ஆதி]

knoppix, ubuntu கூட இது போல் குறுவட்டில் இருந்தே வேலைசெய்யும்..

ஆனால் லினக்ஸை நிறுவி சோதிப்பது போல் இருக்காது..

விண்டோஸை நீக்க மனமில்லாதவர்கள்..

விஎம்வேர் மென்பொருளை உங்களின் கணினியில் நிறுவிக் கொள்ளுங்கள்.. விஎம்வேரில் மற்ற இயங்கு தளங்களை நிறுவிக் கொள்ளலாம்.. ஒரு நேரத்தில் நீங்கள் இரு இயங்கு தளத்தையும் இயக்க முடியும், உங்கள் கணினி இரண்டு கணினி போல் வேலை செய்யும்..

இதனால் என்ன உண்டாகிற பயன், லினக்ஸை நீங்கள் சோதித்து பார்க்கும் போது, விண்டோஸின் அதற்கான டாக்கு மெண்டை வைத்து கொள்ளலாம், லினக்ஸ் பரிட்சயம் ஆகும் வரை நீங்கள் விண்டோஸ் வழியாகவே இணையத்தில் உலவலாம்.. விண்டோஸில் உங்க கோப்புக்களை நீக்க வேண்டிய அவசியமில்லை.. முழுமையாக லினக்ஸ் கற்ற பிறகு, தங்களின் கணினியில் லினக்ஸை நிறுவி, விண்டோஸில் உள்ள உங்கள் கோப்புக்களையும் லினக்ஸுக்கு நகர்த்திக் கொள்ளலாம்..

 

[பாரதி]

லினக்ஸ் என்றால் என்ன என்பதை கண்ணுற விரும்புபவர்கள் பிரவீண் கூறியபடி செய்து பார்க்கலாம்.

லினக்ஸில் நூற்றுக்கணக்கான வகைகள் இருக்கின்றன. ஒவ்வொரு வகையிலும் பல பதிப்புகள் வந்திருக்கின்றன. எனவே பொதுவாக லினக்ஸ் என்று தேடிப்பார்ப்பவர்களுக்கு, எந்த வகை லினக்ஸ் நல்லது என்ற குழப்பம் ஏற்படக்கூடும். லினக்ஸ் நன்கு தெரிந்தவர்களுக்கு வேண்டுமென்றால் அந்த குழப்பத்திற்கு விடை தெரியலாம்.

எனவே எனக்கு என்ன தோன்றுகிறது என்றால், லினக்ஸ் கற்பவர்கள் அனைவரும் ஒரே மாதிரியான லினக்ஸை கற்பதன் மூலம், நம்மிடையே வரும் ஐயங்களை தீர்ப்பது எளிதாகவும், பயனுள்ளதாகவும் இருக்கும்.

நிறுவுவதை ஆதன் கூறிய வழிமுறையில் செய்வது பலருக்கும் லினக்ஸ் ஓரளவுக்கு தெரியும் வரை கற்க உதவியாக இருக்கும்.

நன்றி பிரவீண்; நன்றி ஆதன்.

 

[வியாசன்]

நன்றிகள் பிரவீன் ஆதன் பாரதி. அநேகமாக எல்லா லினக்சிலும் சீடியில் இருந்து இயங்கும் வசதி இருக்கின்றதுபொல் தெரிகின்றது. நான் தரவிறக்கம் செய்துவிட்டேன். அதில் பல மென்பொருட்கள் உள்ளதாக தெரிகின்றது. மல்டிமீடியாவசதிகளும் சேர்க்கப்பட்டுள்ளதாக கூறப்பட்டுள்ளது. இன்னமும் பதிவு செய்வில்லை. நாளை பதிவு செய்ய முடிவெடுத்துள்ளேன்.

அதன்பிறகு கஷ்ட நஷ்ட்டங்களை உங்களுடன் பகிர்ந்துகொள்கின்றேன். பல கைகள் தட்டினால் ஓசை பெரிதாகும்.

 

[ஆதி]

என்ன லினக்ஸ் தரவிறகம் செய்திருக்குறீர்கள் வியாசன் ?

partitioning போது Auto partition, user defined partition(Manual defined) என்று இரு option வரும் user defined(Manual Partition)**யை தேர்வு செய்யவும்..

/boot ------> 100MB

/ -----------> 10GB

swap --------> Double size of Ram

என்று மூன்று பார்டிசன்கள் செய்யுது கொள்ள்வும்....

/boot for boot files

/ ------> root of the file system tree..

swap for swap files (virtual Memory)

/ ************** இது பற்றி இன்னும் தெளிவான ஒரு விளக்கம் தருகிறேன்........

 

[ஆதி]

ஒவ்வொரு இயங்கு தளத்துக்கு தனித்தனி file system structure உண்டு..

உதாரணமாக விண்டோஸ்க்கு..

A-z drive

A & B drive---> floppy drive

c drive ------> பெரும்பாலும் இயங்குதளம் நிறுவும் டிரைவ்

கடைசி டிரைவ் சீடி அல்லது டீவீடியாக இருக்கும்..

லினக்ஸை பொருத்தவரை எல்லாமே file*-கள் தான்..

உதாரணமாக keyboard, Mouse எல்லாம் character files

CD, DVD, Hard Drive எல்லம் Block files

இது போல் ஒவ்வொரு பார்டிச*னையும் யுனிக்ஸ் ஒரு பைலாகவே கருதும்...

/ இதுதான் பார்டிசன்களின் வேர், இந்த வேரின் கீழ்தான் மற்ற பார்டிசன்கள் எல்லாம் வரும்...

இந்த வேரின் கீழ் மற்ற பார்டிசன்கள் எல்லாம் வருவதால், எல்லா பார்டிசன்களின் பெயரும் /ஐ முதலாக கொண்டே வரும்..

உதார்னமாக...

/boot, /bin,/etc,/dev,/sbin,/lib,/usr,/opt,mnt,/var,/root,/home,/proc,/tmp

மற்ற பைல் சிஸ்டம் பற்றி விளக்கும் முன், / மற்றும் /root பற்றி மட்டும் சொல்லிடுறேன்.. இதன் வேறுபாடுகள் மிக முக்கியமான ஒன்று...

விண்டோஸில் administrator மாதிரி யுனிக்ஸில் root

root யூசர் தான் யுனிக்ஸில் அட்மின்..

/root அட்மின் யூசரின் ஹோம் டெரக்ட்ரி

அதாவது யுனிக்ஸில் ஒவ்வொரு பயனருக்கும் ஒரு தனி ஹோம் டெரக்ட்ரி உண்டு..

தொடரும்...

 

[வியாசன்]

நன்றி ஆதன் நான் Suse linux 11 தரவிறக்கியுள்ளேன் அதனுடைய அளவு 4.4 GB தனியாக ஒரு கணனியில் நிறுவ போகின்றேன். ஒரு வசதி விரும்பிய மொழியில் கணனியில் பதிவு செய்ய முடியும். இதில் தமிழில் பதிவு செய்ய முடியாது போல் இருக்கின்றது. ரெட்காட் லினக்சில் தமிழில் பதிவு செய்ய முடியும்.

 

[பாரதி]

நல்ல விளக்கத்திற்கு நன்றி ஆதன். தொடர்ந்து தாருங்கள்.

அன்பு வியாசன், உங்களுக்கு சிரமம் இல்லை என்றால் ஒரு வேண்டுகோள்; மன்றத்தில் லினக்ஸ் கற்க விரும்பும் அனைவரும் உபுண்டு அல்லது லினக்ஸ்மிண்ட்டை நிறுவுவது கற்கும் ஏற்படும் ஐயங்களை தீர்க்க உதவியாக இருக்கும் என்பதால் நீங்களும் அதை ஏற்றுக்கொள்ள இயலுமா..? நன்றி.

உபுண்டுவிலும் தமிழில் தட்டச்ச வசதிகள் இருக்கின்ற வியாசன்.

 

[வியாசன்]

நன்றி பாரதி

 

[வியாசன்]

நன்றி பாரதி நான் இணைத்துள்ள படம் SUSE லினக்ஸ் பதிவுசெய்தபோது இணையங்களை பார்வையிட முடியவில்லை. பலதேடல்களின் பின் படத்தில் தெரிகின்றபடி வந்தது. உங்கள் பதிவை பார்த்ததும் உபுண்டுவுக்கு மாறிவிட்டேன். ஆனால் தமிழை தட்டச்சு செய்வது சிரமமாக உள்ளது. பாமுனிக்கும் இதற்கும் நிறைய வேறுபாடுஉள்ளது. தட்டச்சு பலகை அமைப்புவேறு இந்தியா அதனால் நிறைய சிரமமாக உள்ளது. நான் தயாரித்துள்ள ஒரு எழுத்துருவாக்கி சுட்டியை பயன்படுத்திதான் இப்போது எழுதுகின்றேன்.

நீங்களும் லினக்சை பதிவு செய்துவிட்டு கற்றுக்கொடுங்கள் கற்றுக்கொள்ள ஆவலாக இருக்கின்றேன்.

 

[பாரதி]

உங்களின் தேடலுக்கும் விடாமுயற்சிக்கும் மிக்க நன்றி வியாசன். உபுண்டு 9.10 லினக்ஸைத்தானே நிறுவி இருக்கிறீர்கள்..? நானும் விரைவில் அதைப் பதிவிறக்கி நிறுவி விடுவேன். நாம் அனைவரும் இணைந்தே கற்போம். லினக்ஸ் நிறுவுதலின் போது நீங்கள் பிரச்சினை ஏதேனும் எதிர்கொண்டீர்கள் எனில் அறியத்தாருங்கள்.

 

[வியாசன்]

பாரதி எந்தவித பிரச்சனையும் எழவில்லை. தானாகவே எல்லாவற்றையும் (பார்ட்டிசன்)செய்து கொள்கிறது. டிரைவர்களையும் தானாகவே கண்டுபிடித்துகொள்கின்றது. எக்ஸ்பீ என்றால் மதர்போர்ட்டில் உள்ளவற்றுக்கு நாமாக டிரைவர் பதிவு செய்ய வேண்டும் .உபுண்டு 9.10 ல் பதிவு செய்வதில் பிரச்சனை எழவில்லை. எம்முடைய கணனிதிரையை படமாக பதிவு செய்ய வேண்டுமென்றால் Print Key அழுத்தினால் படமாக பதிவு செய்து கொள்கின்றது. புரியாமல் இருப்பதனால் லினக்ஸ் புதிராக இருக்கின்றது. கொஞ்சம் தெரிந்து கொண்டால் நல்ல இயங்குதளமாக எமக்கிருக்கும் என நம்புகின்றேன்.எக்ஸ்பீயுடன் இணைந்து இயங்குகின்றது ஒரே கணனியில்.

 

[பாரதி]

ஒரு வழியாக நேற்றிரவு உபுண்டுவை பதிவிறக்கினேன். இன்று சோதனைக்காக பழைய தோஷிபா 14" மடிக்கணினியில் நிறுவி இருக்கிறேன். ஃபயர் ஃபாக்ஸில் இணையத்தை வலம் வர முடிகிறது. தமிழ் மன்றமும் தமிழ் எழுத்துகளும் வெகு அழகாக காட்சி அளிக்கின்றன. உபுண்டுவிலேயே உள்ளமைந்துள்ள ஐபஸ் உதவியுடன் ஃபோனடிக் முறையில் தட்டச்சி இப்பதிவை இடுகிறேன். ஒரு சிறிய குறை : டெஸ்க் டாப் திரையின் அளவு சிறியதாக இருக்கிறது. கணினித்திரை முழுவதும் வர என்ன செய்தால் சரியாகும்?

 

[ஆதி]

திரையின் மேல உள்ள டெப்பில்

system - > Preference -> screen resolution/display

800x600 இருந்து 1280 x 720 மாற்றவும்.. அண்ணா..

சரிப்பார்த்து சொல்லுங்கள் அண்ணா..

 

[பாரதி]

லினக்ஸ் நிறுவியதில் உண்மையிலேயே மிகவும் மகிழ்ச்சியாக இருக்கிறது. இணையத்தொடர்பு தானே ஏற்படுத்திக்கொண்டது. தமிழ் தட்டச்சும் ரைட்டரைப் போன்றே எளிதாக இருக்கிறது. ஃபயர்பாக்ஸ் இணைய உலாவுதல் மிக மிக நன்றாக, இண்டர்நெட் எக்ஸ்புளோரரைக்காட்டிலும் பன்மடங்கு நன்றாக, வேகமாக இருக்கிறது!

அன்பு ஆதான்... நீங்கள் கூறிய முறையில் ஏற்கனவே முயற்சி செய்து பார்த்து விட்டேன் ஆதன். அதில் அதிகபட்சமாக இருப்பதே 800 x 600 தான்! கணினித்திரை unknown என்று வருகிறது. கணினியின் வன் பொருள் முறையாக நிறுவப்பட்டிருக்காதோ என்ற ஐயம் வருகிறது. தோஷிபா - portege - 14” - தொடுதிரை கணினி. அதற்கான தீர்வை தேடும் நேரத்தில் மின்சாரம் தடைபட்டதால் தேட முடியவில்லை. இனி தேட வேண்டும். நீங்களும் முயற்சி செய்து விடை கிடைக்கிறதா என்று பாருங்கள் ஆதன். மிக்க நன்றி.

 

[ஆதி]

அப்படியானால் terminal செல்லவும் அண்ணா..

sudo displayconfig-gtk

இந்த கட்டளையை பயன்படுத்தி resolution-ஐ மாற்றிக் கொள்ளவும் அண்ணா..

சரிப்பார்த்துச் சொல்லுங்களேன்..

 

[பாரதி]

command not found என்று வருகிறது ஆதன்.

 

[ஆதி]

கொஞ்சம் சுலபமா தீர்க்கலாம் னு நெனச்சேன் முடியாது போல அண்ணா.. புது வர்ஷனில் அந்த கட்டளையை நீக்கிவிட்டார்கள் போல அண்ணா..

சரி,

terminal போய்டுங்க..

$ sudo su - root
Password:<உங்க கடவு சொல்லை அடிக்கவும்>

# cd /etc/X11

# cp xorg.conf xorg.conf.backup < orginal file-ஐ ஒரு backup செய்து கொள்ளவும்>

# vi xorg.conf

Section "Screen"
Identifier "Default Screen"
Device "Generic Video Card"
Monitor "Generic Monitor"
DefaultDepth 24
SubSection "Display"
Depth 1
Modes "1024x768" "800x600" "640x480"
EndSubSection
SubSection "Display"
Depth 4
Modes "1024x768" "800x600" "640x480"
EndSubSection
SubSection "Display"
Depth 8
Modes "1024x768" "800x600" "640x480"
EndSubSection
SubSection "Display"
Depth 15
Modes "1024x768" "800x600" "640x480"
EndSubSection
SubSection "Display"
Depth 16
Modes "1024x768" "800x600" "640x480"
EndSubSection
SubSection "Display"
Depth 24
Modes "1024x768" "800x600" "640x480"
EndSubSection
EndSection

இந்த கோப்பில், "Modes" எல்லாவற்றிலும் "1280x800" இதனை இன்ஸ்சர்ட் செய்துவிடவும்..

#vi xorg.conf

Section "Screen"
Identifier "Default Screen"
Device "Generic Video Card"
Monitor "Generic Monitor"
DefaultDepth 24
SubSection "Display"
Depth 1
Modes "1280x800" "1024x768" "800x600" "640x480"
EndSubSection
SubSection "Display"
Depth 4
Modes "1280x800" "1024x768" "800x600" "640x480"
EndSubSection
SubSection "Display"
Depth 8
Modes "1280x800" "1024x768" "800x600" "640x480"
EndSubSection
SubSection "Display"
Depth 15
Modes "1280x800" "1024x768" "800x600" "640x480"
EndSubSection
SubSection "Display"
Depth 16
Modes "1280x800" "1024x768" "800x600" "640x480"
EndSubSection
SubSection "Display"
Depth 24
Modes "1280x800" "1024x768" "800x600" "640x480"
EndSubSection
EndSection

:wq!

Insert செய்வதற்கு, Esc-key அழுத்தி பின் i-ஐ அழுத்தவும்..

save செய்வதற்கு Esc-key அழுத்தி பின் shift+; wq! Enter செய்தால் save ஆகிவிடும்.. புரியுதா பாருங்க அண்ணா.. இல்லை என்றால் இன்னும் தெளிவா சொல்றேன்..