mukilan

மன்றம் வந்து பல மாதங்கள் இவரைப் பற்றி பெரிதாக ஒன்றும் அறிந்திராத நாட்களில், அவ்வப்போது பதிக்கும் பதிவுகள் இவரின் தனித்தன்மையை உரக்க பறை சாற்றியது. அன்பு முகில்ஸ் என இளசுவால் பரிவோடு அழைக்கப்படும் இவர், உண்மையிலேயே ஒரு அன்புப் பெட்டகம். நல்ல உள்ளத்துக்கு சொந்தக்காரர். இன்னும் நெருக்கமாக வேண்டுமென்ற அடங்காத ஆவலை என்னுள் ஏற்படுத்தியவர். என்றும் நலமுடன் வாழ வாழ்த்துகிறேன்.

மனிதர்களானாலும் சரி ஆக்கங்களானாலும் சரி
இதயத்துடிப்பை துல்லியமாக பிடிக்கும் வல்லவர்.
இயைந்து துடித்து வழிப்படுத்தும் நல்லவர்.
கற்றுக்கொள்ள தொடர்ந்து செல்வேன்.

மன்றக் கதாசிரியர்களில் தனியிடம் கொண்டவர். சிறந்த விமர்சகர். மண்ணை இந்த மண்ணின் கலையை இந்த மண்ணின் மணத்தை எழுத்துக்களால் எங்கும் பரப்புபவர்.

அறிமுகமாகும்போதே சிலர் பலகால பரிச்சயம் தருவர்.
தமிழும் அன்பும் அறிவும் கலந்து பொழியும் முகிலனிடம் எனக்கு அப்படிப்பட்ட அனுபவ உறவு..

எப்படிப்பட்ட தம்பிகள் எனக்கு என எண்ணி விம்ம வைக்கும் சொந்தங்களில் ஒருவன்..

பூமித்தாய் பச்சையுடை தரிக்க பாடுபடுவோருக்கு வழிகாட்டும் அறிவியலாளர்..!!
சிறந்த மனித நேயம் மிக்க இனிய சகோதரர்.
இவரின் பதிவுகள் சொல்லும் இவரின் மாண்பும் பண்பும்..!!

தங்கையானதில் பெருமிதம் கொள்கிறேன்.
தொடருங்கள் முகிலன் அண்ணா.

மிகச்சிறந்த தாவரவியலாளர்; மனித நேயம் மிக்க வாழ்வியல் கதைகளை கொடுப்பதில் வல்லவர்.

மன்றத்தில் மூத்த உறுப்பினர். அன்பு தோழர்.... தோட்டக்கலை பதிவுகளையும், கதைகளையும், கருத்துக்களையும் கொடுத்து அசத்துபவர்.